Ilahn 40:16 - Uwumbɔr aagbaŋ

¹⁶ Cha binib bimɔk choo aa chee na kan mpopiin ni mmɔɔn. Cha binib bimɔk dooni si saah gaa bi lii pu na len n‑yoonn mɔmɔk ke, “Uwumbɔr aapɔɔn nyaŋ a.”

Ilahn 40:16 ပူးပေါင်းရင်းမြစ်များ

Ilahn 105:3

Taah ye waanib pu na, cha tisui li piin man; Cha binib bimɔk dooni u na li kpa mpopiin.

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 119:123

Maah lik ki ban ke aa gaa mi lii ke saah nan puu pu na le cha nnimbil ti wu.

Ilahn 119:81

Uwumbɔr, maah kii si ke aa nan gaa mi lii pu na cha nwon mɔmɔk kpo a; m di maagaakii ŋa saabɔr ni la.

Ilahn 22:26

Bigiim ga ji baah ban pu na la; binib bi choo Uwumbɔr chee na ga pak u. Tii bi nkam n‑yoonn mɔmɔk.

Ilahn 35:21

Bi galni mi, ki tar ke, “Ti kan saah tun pu na.”

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Ilahn 68:3

Le bininyaam ma kpa mpopiin ki mɔɔni unimbiin ni, bi kpa mpopiin le ki tar mmɔɔn pu.

Esekiel 26:2

“Unibɔn, Taya aatiŋ ni aanib aah laa mpɔɔn pu tibɔr ti pu na sɔ. Bi tar ke, ‘Jerusalem aatiŋ yaa a. Kaah nan kpa kinyanpuuk ki na doo a. Kina pu na, ti ga kan liwangol.’

Lituln 19:17

Le Efesus aatiŋ aanib bi ye Juu yaab na, ni bi kaa ye Juu yaab na mɔmɔk ŋun tibɔr ngbaan. Le ijawaan chuu bi mɔmɔk. Le bi nyuŋ Tidindaan Yesu.