Ilahn 40:11 - Uwumbɔr aagbaŋ

¹¹ Uwumbɔr, m nyi ke saan di cha kaan san mi kinimbaak. Saageehm, ni saah si chob pu na le ga li kii mi n‑yoonn mɔmɔk.

Ilahn 40:11 ပူးပေါင်းရင်းမြစ်များ

Ilahn 23:6

M nyi ke aa ga li gee mi, ki ŋani mi tiŋann, ki ti saa maakundaal; le saadichal ga li ye ndo maamɔfal ni ki ti saa maakundaal.

Ilahn 43:3

Cha saawiihn ni saabamɔn dan; cha ni loln m pu nsan ki giin ni mi saagongoln li bi chain na pu, ki ti fuu saadichal, li ponn ni aa koo na,

Ilahn 57:3

U ga li bi paacham le ki kii maayim ki gaa mi lii; u ga nyaŋ binib bi muk mi na. Uwumbɔr ga mɔk mi waageehm mu bi n‑yoonn mɔmɔk na ki ga ŋa waah puu ke u ga ŋa pu na.

Ilahn 61:7

Uwumbɔr, cha u li bi aanimbiin ni ki joo waanib n‑yoonn mɔmɔk; li joo saageehm mu bi n‑yoonn mɔmɔk na, ni saaŋann na kii u.

Ilahn 69:13

Uwumbɔr, le m ma ga mee si; Uwumbɔr, kii mi buyoonn aa gee na. Saageehm sakpiin pu, kii maayim, ba pu? aa joo saapuur ti aa puu ke aa ga gaa binib lii na.

Ilahn 69:16

Uwumbɔr, saageehm mu bi n‑yoonn mɔmɔk na pu, ŋun maayim; di saah san kinimbaak sakpen pu na fenn lik mi.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Ilahn 89:2

M nyi ke saageehm ga li bi n‑yoonn mu kaa kpa ndoon na, ki nyi ke aa tun saah puu tipuur ti na, kaa kpelni daalbaadaal ke kitaapaak aah kaa kpelni pu na.

Ŋiyataŋak 20:28

Ubɔr yaa joo ibamɔn, ni mbimbinyaan, ki ŋani binib mɔmɔk naah tok pu na kan, u ga yunn nnaan ni.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.