Ilahn 4:7 - Uwumbɔr aagbaŋ

⁷ Le saah tii mi mpopiin mu na jer baah ga di tijikaar ni ndaan sakpen kan mpopiin mu na.

Ilahn 4:7 ပူးပေါင်းရင်းမြစ်များ

Ilahn 31:17

Uwumbɔr, m yin si la; taa cha m ji inimɔɔn. Cha titunwanbirdam ma ji inimɔɔn, cha bi sunn kitekpiitiŋ ni aan ubaa taa ŋun bi pu.

Ilahn 37:4

Li ban saamɔɔn Uwumbɔr chee, le u ga tii si aasui aah ban pu na.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 67:2

aan dulnyaa wee mɔmɔk li nyi saah gee timi pu na, aan ŋitimbol mɔmɔk kan saaŋmarm.

Ilahn 80:4

Tidindaan Uwumbɔr, Mpɔɔnsakpiindaan, ni ga yunn kinye aan saaŋuul ti sɔŋ saanib aameel pu?

Ilahn 92:4

Uwumbɔr, saatukpaan na tii mi mpopiin; saah tun pu na, le m ga gaa mpopiin aalahn.

Solomonn Aalahn 1:4

Yoor mi, ki cha ti san; li ye maabɔr, ki di mi buen saadiik ni. Ti ga li kpaan koo le ni mɔ timi, ki ga nyu ndaan taah gee pu na, le ki mɔk tɔb taah gee tɔb pu na. Ni sil ye mbamɔn ke upii mɔk gee si.

Aisaya 9:3

Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Jeremia 48:33

Mmɔɔn ni mpopiin doo Moab aatiŋ ki kpa tijikaar sakpen na pu. M cha ndaan doo baah ŋaa ndaan nin chee na; ubaa aa ki bi ke u ŋaa ndaan ki faa mpopiin aafuuk.

Nkahm 6:25

Uwumbɔr li kpa ni pu tibulchinn ni tiŋann, ki li gee nimi;

Lituln 14:17

N‑yoonn mɔmɔk u mu ŋani nimi tiŋann, ki tii nimi utaal, ki cha tijikaar ŋani, ki kpiini nimi, ki cha ni kpa mpopiin, u mɔk nimi ke u bi.”

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

Bibɔjirb 9:27

Bi mɔmɔk nan nyan buen baasubil aasui aasar ni ki ti ker ŋisubil, le ki di ŋa ndaan, le ki ŋa njim. Bi nan koo baawaal aadiik ni, le ki ti jin ki nyun ndaan nima ki seei Abimelek.