Ilahn 39:12 - Uwumbɔr aagbaŋ

¹² Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Ilahn 39:12 ပူးပေါင်းရင်းမြစ်များ

Mpiin 21:34

Abraham nan bi Filistia aatiŋ ni ki yunn pam.

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

1 Bibɔrb Aabɔr 29:15

Uwumbɔr, aa nyi ke ti bi limɔfal lee ponn ni ke biwɔwɔm ni bicham na, ke tiyaajatiib aah nan bi pu na la. Timi aamɔfal aawiin naahn kijunjuŋ ki jer cha na la, le taa ŋmaa minn nkun.

Job Aagbaŋ 13:28

Nima pu le m wur lir ke busub bu bur na, ki naahn ŋipɔbilee aabim aah ŋman libɔkul li na.

Job Aagbaŋ 16:20

Njɔtiib laa mi la; le nnimbil bar tinyunyunn tii Uwumbɔr.

Ilahn 102:1

Uwumbɔr, li pel maameel ki ŋun maah wii ki ban nterm pu na.

Ilahn 116:3

Nkun aanimaln nan mann goln mi; le likaakul aajawaan gob mi siin; ijawaan sakpiin le nan chuu mi,

Ilahn 119:19

Maan yunn kitiŋ kee pu, kina pu na, taa di saakaal bɔr mi.

Ilahn 119:54

N‑yoonn siib mu ponn ni m bi kitiŋ kee pu na, m di saakaal naan ilahn.

Ilahn 56:8

Aa nyi naah muk mi pu na; aa nyi maanyunyunn aakahm, aa ŋmee ti ŋa saagbaŋ ni.

Ilahn 90:9

Saaŋuul le junn timi aamɔfal; timi aamɔfal wɔŋni ke tibɔlɔikaan na la.

Liifai Yaab 25:23

Ni taa di nimi aatiŋ kooh tii ubaa u li joo ki kookoo, ba pu? nimi le aa yeh kitiŋ ngbaan, Uwumbɔr le yeh ki. Ni naahn biwɔwɔm la, le u di ki tii nimi, ni li ko ki ji.

2 Korenti 5:6

Nima le cha ti kpa lipobil n‑yoonn mɔmɔk. Ti nyi ke taah laa bi dulnyaa wee ni buyoonn na, taa bi Tidindaan do paacham.

Hiibru Yaab 11:13

Binib ngbaan mɔmɔk nan tii Uwumbɔr naadii le ki ti saa baakundaal, kaa kan Uwumbɔr aah puu tipuur ti na. Bi nan bee ke n‑yoonn mu choo na, u ga nan ŋa waah puu tipuur ti na. Bi nan len ke bi ye bicham le dulnyaa wee ni.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.