Ilahn 39:1 - Uwumbɔr aagbaŋ

¹ M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Ilahn 39:1 ပူးပေါင်းရင်းမြစ်များ

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

2 Bibɔrb 10:31

Tɔ, Jehu aa nan di usui mɔmɔk kii Israel yaab Aadindaan Uwumbɔr aakaal; u nan labr dii Jeroboam u nan di Israel yaab koon titunwanbir ni na aasan la.

1 Bibɔrb Aabɔr 16:41

Hemann ni Jedutunn, ni baah nan lee bi ke bi li gaa ilahn pak Uwumbɔr, waageehm mu kaa kpa ndoon na pu na, mu nan bi nima ki kpee bi pu.

Job Aagbaŋ 2:10

Le Job gar u ke, “Aa si len bɔfam la. Uwumbɔr yaa tii ni timi tiwan ni ŋan na kan, ti gaal ni iŋaal ilee la. Ti ga ŋa kinye ki galn u buyoonn u tii timi tibɔbir na?” Job aah nan jin falaa sakpen tiwan nimɔk pu na, waa nan di tibaa tam Uwumbɔr.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Ilahn 141:3

Uwumbɔr, ban ukikiir kiir maamɔb, ki taa cha m len tibɔr ti kaa ŋa na.

Ilahn 34:13

Kina kan, taa len tibɔbir, ki taa mɔnn inyamɔn.

Ilahn 62:1

M jin limɔr le ki kii Uwumbɔr ke u gaa mi lii; uma baanja pu le m ga ŋmaa nyii ki sil.

Ilahn 77:1

M wii mpɔɔn pu ki yin Uwumbɔr, m wii mpɔɔn pu, le u ŋun maawiil pu.

Ŋiyataŋak 18:21

Saamɔliin le ga ŋmaa gaa si lii, le ki ga ŋmaa junn saamɔfal mu; kina pu na, li nyi ki gaa saamɔliin aah joo ni si tiwan ni na.

Ŋiyataŋak 21:23

Aa yaa kaa ban aa koo tibɔr ni kan, li nyi saabɔlen.

Amos 5:13

Kina pu na, kinimbɔŋ aayoonn ngbaan kan, unii u kpa nlan na ga li ŋmin suuna la.

Kolosiya 4:5

Ni li kpa nlan ki li bi mbamɔm joo cha binib bi kaa dii Uwumbɔr aasan na wɔb. Naah kan nsan buyoonn na, ni li tun Uwumbɔr aatuln n‑yoonn mɔmɔk.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

Jemisi 1:26

Unii yaa len ke u dii Uwumbɔr aasan, u yaa kaa chuu ulambil kan, u ŋmanni ubaa la. Waa dii le na. Ni ye fam la.