Ilahn 38:20 - Uwumbɔr aagbaŋ

²⁰ Binib bi joo mbiin pa tiŋann na bii maayimbil buyoonn m pɔɔni mbaa ke m li ŋani ni ŋan na.

Ilahn 38:20 ပူးပေါင်းရင်းမြစ်များ

Ilahn 142:7

Nyan mi maasuubiin ni, le m ga pak si, saanib aakuun ni, ba pu? aa kpa m pu tiŋann sakpen.

Ilahn 25:19

Lik maah kpa bidim pu na, lik baah nan mi pu na.

Ilahn 35:12

Bi joo mbiin le pa mi maaŋann pu, le nsuubiin joo mi sunni cha taab.

Ilahn 35:19

Taa cha maadim aasui piir maalirm pu; bi ye binyamɔndam la. Taa cha binib bi nan mi fam na laa mi, maasuubiin pu.

Jeremia 18:20

Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Matiu 5:10

Binib bi ji falaa Uwumbɔr aasan aadiim pu na, waanyoor bi bi pu. Bima le yeh uma Uwumbɔr aanaan.

Jɔnn 10:32

Le u bui bi, “M tun litunyaan pam Nte Uwumbɔr aapɔɔn pu ninimbil ni. Lilatuln pu ni ban ni mae mi ŋitakpal?”

1 Piita 3:13

Tɔ, ninimbil yaa man lituln li ŋan na pu kan, ubaa ga ŋa nimi bakaa aa?

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Samuel 23:12

Le David ki baa u ke, “Keila aanib ga di min ni maajab tii Sɔɔl aa?” Le Uwumbɔr bui u ke, “Een, bi ga di nimi tii.”

1 Samuel 23:5

Kina pu le David buen Keila, ki ti tak Filistia yaab. Bi nan ku bi pam, le ki chur baawakor. Kina le David nan gaa Keila aatiŋ aanib lii.

1 Samuel 25:16

Bi nan kii timi nwiin pu ni kinyeek, n‑yoonn mumɔk ti nan bi bi chee ki kpaa ipiih ngbaan na. M gaŋ si, dakl lik tibɔr ngbaan ki ŋa saah ban pu na.

1 Samuel 25:21

David nan bi dak ke, “M nan tee ŋa kinye aan ki kii uja ngbaan aawan nteersakpiin ni? Waawan nibaa baanja aa nan wɔŋ, kina le u joo pa nterm mu m nan tii u na.