Ilahn 37:6 - Uwumbɔr aagbaŋ

⁶ U ga cha saah ŋan pu na li wiin ke nwiin pu aawiin na.

Ilahn 37:6 ပူးပေါင်းရင်းမြစ်များ

Job Aagbaŋ 11:17

Le saamɔfal ga li wiin jer nwinkapiin pu aawiin, le limɔfal ni aayoonn mu bɔɔn sakpen na ga woln ke lichakpitaawoln na.

Ilahn 31:20

Saah bi bi chee pu na, le binib bi kpokl bi pu na aa ŋmaa pii bi; aa joo bi bɔrni mbɔbɔr mu ŋan na ni la, le baadim aasiibil aa piir bi.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Aisaya 58:10

ki yaa tii nkon aah joo binib bi na tijiir, ki cha binib bi lann na mu kan kan, n‑yoonn ngbaan le mbɔmbɔɔn mu maln goln nimi na ga daa labr nwiihn mu wiin ke nwiin pu aawiin na.

Aisaya 58:8

“N‑yoonn ngbaan le maaŋann ga dan ni chee ki wiin ke kichakpiik ni aawiin na, le nimi aabuun mɔmɔk ga yann mala. M ga li bi ni chee n‑yoonn mɔmɔk ki gaa nimi lii; maah ga li bi ni chee pu na ga li kii nimi ŋipepel mɔmɔk pu.

Jeremia 51:10

Uwumbɔr ki len ke, “Maanib, teen man ke, ‘Uwumbɔr mɔk ke timi aabɔr ŋan. Cha ti buen Jerusalem man ki ti bui binib ngbaan Tidindaan Uwumbɔr aah tun pu na.’”

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Matiu 13:43

N‑yoonn ngbaan le bininyaam ga li bi Bite Uwumbɔr aanaan ni, ki wiin ke nwiin aah wiin pu na. U kpa litafal na kan, u ŋun.”

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.