Ilahn 37:39 - Uwumbɔr aagbaŋ

³⁹ Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 37:39 ပူးပေါင်းရင်းမြစ်များ

1 Bibɔrb Aabɔr 5:20

Bi nan di baanaadii tii Uwumbɔr la, le ki mee u ki ban nterm. Le Uwumbɔr nan kii baameel ki cha bi nyaŋ Hagar yaab ni bimaantɔtiib.

2 Bibɔrb Aabɔr 32:22

Kina le Uwumbɔr nan gaa Ubɔr Hesekia ni waanib bi bi Jerusalem ni na Asiria aabɔrkpaan Senakerib, ni baadim biken chee lii. U nan cha binib ngbaan bi nsuudoon ni ŋitingban ŋi mann gob bi na chee.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 3:8

Linyaŋ nyani Uwumbɔr chee la, u ŋa waanyoor ŋa waanib pu.

Ilahn 34:20

Uwumbɔr le bii u pu mbamɔm, le waakpab ponn ni libaa aan koo.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 9:9

Uwumbɔr le gaal bimukdam lir, tibɔr aayoonn kan, uma chee le bi kani lifuur.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ŋiyataŋak 11:8

Binib bi aabimbin ŋan na nya tibɔbir ni la; le ti tee choo bibiindam ma chee.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Jeremia 15:20

M ga ŋa si ke tikumann aagoln na binib ngbaan chee. Aa ni bima ga jan, bi mu aan ŋmaa nyaŋ si. M ga li bi aa chee, ki li kii si, ki tii si lifuur.

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Efesusi 2:8

Naah gaa Yesu ki kii pu na, le ni ŋmar, Uwumbɔr aanimbaasaln pu. Naa ye nimi nibaa pu le ni ŋmar. Ni ye Uwumbɔr aapiin la.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.