Ilahn 37:34 - Uwumbɔr aagbaŋ

³⁴ Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 37:34 ပူးပေါင်းရင်းမြစ်များ

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Ilahn 112:8

Waa san ijawaan, le nibaa aa muk u; u ga sil kan ke waadim lir.

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 25:13

Bi ga li ye biwankpadam n‑yoonn mɔmɔk la, le baabim ga nan li yeh kitiŋ kee.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 37:9

Binib bi di naadii tii Uwumbɔr na le ga li yeh kitiŋ kee, le Uwumbɔr ga jenn nyan bibiindam ma.

Ilahn 91:8

Aa ga lik le ki kan Uwumbɔr aah dar bibiindam aatafal pu na.

Ilahn 92:12

Binib bi aabimbin ŋan na ga ŋa tinyoor ke libɔkpal aasui na la; bi ga muun ke Lebanonn aasantina aasui na la.

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 20:22

Taa cha ni li ye si limukl ke aa teen unii taani. Kii tii Uwumbɔr aan u ga toor ti tii si.

Ŋiyataŋak 29:16

Titunwanbirdam yaa bi mpɔɔn ni kan, titunwanbir moo kpae la. Le bininyaam ga li bi ki nan kan titunwanbirdam ngbaan aadoon.

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Matiu 24:13

Unii umɔk ji limɔr ki dii mi ki ti saa limɔfal aadoon na, uma le ga ŋmar.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Piita 5:6

Nima pu na, ni li sunni nibaa taab, Uwumbɔr u yeh mpɔɔn mɔmɔk na aaŋaal ni. Le ni yaa nan ŋeer kan, u ga nyuŋ nimi.