Ilahn 37:23 - Uwumbɔr aagbaŋ

²³ Uwumbɔr le mɔk unii nsan mu u ga dii na, le ki kii binib bi unimbil gbiin bi na.

Ilahn 37:23 ပူးပေါင်းရင်းမြစ်များ

Ilahn 119:133

Saah nan puu pu na, taa cha m lir, ki taa cha kinimbɔŋ nyaŋ mi.

Ilahn 119:5

M ba mak ke m li kpa naadii ki li joo saakaal.

Ilahn 121:3

Waan cha aa lir; saakikiir ka waa n‑yoonn mɔmɔk la.

Ilahn 121:8

U ga li kii si, saah choo pu na, ni saah ga li cha pu na, dandana ni n‑yoonn mu kaa kpa ndoon na.

Ilahn 17:5

M chuun saasan ponn ni le n‑yoonn mɔmɔk, kaa kee yenn mu ni.

Ilahn 40:2

U daa nyan mi mbuu mu bir na ni, u nyan mi tikpakpar ti nyoo na ponn ni, ki di mi kaan litakpal li paa na pu, le nibaa aan ki pii mi nima.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ilahn 85:13

Mbimbinyaan le ga loln Uwumbɔr pu nsan, ki toor nsan tii u.

Ŋiyataŋak 11:1

Uwumbɔr nan binib bi joo beebee aawaŋaŋkaan ŋaŋni tiwan na. Usui piin tiwaŋaŋkaan ni ye nibamɔnn na pu.

Ŋiyataŋak 11:20

Uwumbɔr aa gee binib bi kpa tilandakwanbir na, le ki tee gee binib bi ŋani ni ŋan na.

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ŋiyataŋak 4:26

Dakl lik saah ga tun pu na mbamɔm, ki cha saah ŋani tiwan nimɔk na li ye mbamɔn.

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Hiibru Yaab 13:16

Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.

1 Samuel 29:10

Kina pu na, David, fen kichakpiik ni kan, nimi bi mɔmɔk san Sɔɔl chee ki dan m chee na ga fe fii mala ki gir, buyoonn ni laa bi wolni na.”