Ilahn 37:15 - Uwumbɔr aagbaŋ

¹⁵ le bibaa aajaak aajum ga ku bi, le baatɔi mu ga kool.

Ilahn 37:15 ပူးပေါင်းရင်းမြစ်များ

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

Esta 9:16

Juu yaab bi nan bi ŋipepel mɔmɔk ni na mu nan gor bibaa pu ki sil kiir umɔk tak bi na. Bi nan ku baadim ngbaan aanib ŋichur imonko itaa ni kipiik ni ŋiŋmu la. Bi mu aa nan yoor baah ku binib bi na aawangol.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Ilahn 34:22

Uwumbɔr ga gaa waanib lii; binib bi chaa u chee ke u li kii bi na ga ŋmar.

Ilahn 35:8

Le mbiin ga pii bi n‑yoonn mu baa nyi mubɔr na; bibaa aagaawɔb le ga chur bi, le bi lir ki kuln.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Aisaya 37:38

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Jeremia 51:56

Bi dan ke bi nan kuln Babiloŋ la; bi nyaŋ kaajab ki chur bi, le ki kool baatɔi. M ye Uwumbɔr u daar unii u tun titunwanbir na aatafal la, le ki ga ŋa Babiloŋ tiwan ni ŋeer ki na.

Hosea 1:5

Le n‑yoonn ngbaan m ga bii Israel aajab aapɔɔn, Jesreel aafataŋ ni.”

Hosea 2:18

N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.

Maika 5:6

Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.

1 Samuel 2:4

Bijab bi pɔɔ na aatɔi kool la, le bi kaa kpa mpɔɔn na moo pɔɔk.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.