Ilahn 37:14 - Uwumbɔr aagbaŋ

¹⁴ Bibiindam ŋɔi baajaak aajum le ki moo pel baatɔi ke bi ku bigiim bi kaa kpa nibaa na, ke bi kɔr binib bi tun ni ŋan na;

Ilahn 37:14 ပူးပေါင်းရင်းမြစ်များ

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Ilahn 11:2

ba pu? bibiindam yoor baatɔi ki taln baapiin mɔk ke bi too bininyaam mbɔmbɔɔn ni.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ŋiyataŋak 29:10

Binikurb aa gee binib bi kaa kpa taani na, le uninyaan ga ŋmaa gaa kina aanii lii.

Ŋiyataŋak 29:27

Unibamɔnn aa gee ubiindaan, le ubiindaan mu aa gee unibamɔnn.

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Lituln 12:11

Le Piita aanimbil woln. Le u len ke, “M bee ke ni sil ŋa kina. Tidindaan tun ni waatuun ke u nan nyan mi Ubɔr Herod aaŋaal ni, ki nyan mi Juu yaab aah ban bi ŋa mi pu na ni.”

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 24:17

Le u bui David ke, “Aa kpa mbamɔn, le m ma bii. Aa ŋa mi tiŋann sakpen, le m ma tun si taani.