Ilahn 36:6 - Uwumbɔr aagbaŋ

⁶ Saah ŋan sakpen pu na naahn ŋijoo aah paa pu na la; le saabamɔn naahn nnyusakpem aah nyoo pu na. Sin le lik unibɔn ni tiwakor mɔmɔk.

Ilahn 36:6 ပူးပေါင်းရင်းမြစ်များ

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Nehemia 9:6

Le Israel aanib mee limeel limina: “Uwumbɔr, sin baanja le ye Uwumbɔr. Sin le naan paacham ni iŋmabi i bi kitaapaak na. Sin le naan kitiŋ, ni nnyusakpem, ni tiwan ni mɔmɔk bi ni ponn ni na; sin le tii ni mɔmɔk limɔfal. Paacham aawan mɔmɔk gbaani le ki dooni si.

Job Aagbaŋ 37:23

Uwumbɔr aapɔɔn nyaŋ sakpen, le taan ŋmaa duun ni u; u kpa mbimbinyaan ki bi chob unibɔn chee.

Job Aagbaŋ 7:20

Sin kiyondiik aaninkpel, maatunwanbir tii si titotonn la aa? Ba ŋa aa too mi ipiin? M ye litusakpeln le tii si ii?

Ilahn 145:9

U kpa unibɔn mɔmɔk pu tiŋann, ki san waah naan tiwan ni mɔmɔk na kinimbaak.

Ilahn 147:9

U tii tiwakor taajikaar, le ŋikakaa aabim yaa wii kan, u kpiini bi.

Ilahn 31:20

Saah bi bi chee pu na, le binib bi kpokl bi pu na aa ŋmaa pii bi; aa joo bi bɔrni mbɔbɔr mu ŋan na ni la, le baadim aasiibil aa piir bi.

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 77:19

Aa chuun tinyunkpenn ni ki jer; aa lul nnyusakpem mu nyoo na ni ki puur, le ubaa aa kan saataabuu.

Ilahn 92:5

Uwumbɔr, saatun nyaŋ sakpen. Saalandak nyoo pam.

Ilahn 97:2

Ntaalangbam, ni mbɔmbɔɔn le mann goln u; u joo mbimbinyaan ni ibamɔn le joo binib.

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Aisaya 45:19

Maa bɔrni ki len maabɔr, kaa joo maah ban m ŋa pu na mu bɔrni. Maa nan ban ke Israel yaab lik ban mi, kitiŋ ki kaa kpa nibaa na ni. Min le ye Uwumbɔr, le ki len ibamɔn; m cha ibamɔn nya mpaan pu.”

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Inandalahn 3:23

Waageehm ni linimbaasaln aa door ke kichakpiik ni, bee nwiin aah puur pu na, aah kaa door pu na la.

Jona 4:11

Tɔ, aa dak ke kinye aan m ga san kitisakpeŋ Ninefa aanib kinimbaak? Binib bi ki ponn ni, ki jer ŋichur nkub ni moninko, kaa ŋmaa yakr ni ŋan na ni ni kaa ŋan na, le tiwakor pam mu bi.”

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

1 Timoti 4:10

Nima le ti tun Uwumbɔr aatuln linimaln; ba pu? ti gaa Uwumbɔr u ye limɔfadaan ki gaal binib mɔmɔk lir na ki kii la. Uma le gaal binib bimɔk gaa u ki kii na lir.

1 Samuel 14:15

Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.