Ilahn 36:4 - Uwumbɔr aagbaŋ

⁴ U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ilahn 36:4 ပူးပေါင်းရင်းမြစ်များ

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Esta 6:4

Le ubɔr ki baa ke, “Maaninkpiib ponn ni ubaa bi do oo?” N‑yoonn ngbaan Hamann nan koo ni lichiln ni, u nan dan ke u nan bui ubɔr aan u cha bi leen Modekai iŋmin tiwan ni u cha bi kpaa siin na pu.

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Ilahn 38:12

Binib bi ban bi ku mi na pen mi gaawɔb mam la, le binib bi ban bi tii mi titotonn na pɔɔni bibaa ke bi doo mi; n‑yoonn mɔmɔk bi kpokl ban mi la.

Ilahn 52:3

Aa gee titunwanbir ki jer litunyaan, ki gee inyamɔn jer mbamɔn.

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Ŋiyataŋak 24:2

Baalandak le ye tibɔr aaŋam, n‑yoonn mumɔk bi waar bimɔi na, bi ban bi sii unii la.

Ŋiyataŋak 24:23

Bilandam le ki len tibɔr timina mu: Naa ŋan ke ubɔjir li kpa imaagann.

Ŋiyataŋak 4:16

Bibiindam yaa kaa tun titunwanbir kan, baa geeni. Bi yaa kaa tii ubaa titotonn kan, bi dɔ waa la.

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Jeremia 8:6

M pel suuna, le kaa ŋun ubaa len ibamɔn. Ni ponn ni ubaa kina aasui aa bii waabiin pu; ubaa le aa len ke, ‘M tun taani la.’ Ni mɔmɔk cha naah gee nin chee na ke utaan le aah san cha butɔb ni na.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.

Maika 6:8

Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Matiu 27:1

Ki woln kitaak le Uwumbɔr aatotoorninkpiib ni Juu yaab aaninkpiib mɔmɔk kpokl baah ga ŋa pu ki ku Yesu na.

Lituln 23:12

Naah woln kitaak kichakpiik ni na, le Juu yaab bibaa kuun tɔb chee, ki kpokl, le ki puu ke baan ji tijikaar, kaan nyu nnyun mu see bi ku Pɔɔl.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

Tibɔkpiirkaan 2:2

M nyi naah tun lituln linimaln pu na, ki nyi naah kpa limɔr pu na, ki nyi ke ni yii bibiindam, ke ni lik binib bi ŋmanni ke bi ye maakpambalb kaa ye na aabimbin aah bi pu na, ki bee ke bi ye biŋmaŋmannim la.

1 Samuel 19:11

Kinyeebaan ngbaan le Sɔɔl tun bijab bibaa, ke bi ti li kii David aadichal, aan ni yaa woln kan, bi ku u. Le David aapuu Mikal bui u ke, “Aa yaa kaa san kinyeek kee kan, bi ga fe ku si fen.”