Ilahn 36:2 - Uwumbɔr aagbaŋ

² U dak ke waah nyuun sakpen pu na, Uwumbɔr aan ŋmaa kan waatunwanbir ki bui ke taa ŋan.

Ilahn 36:2 ပူးပေါင်းရင်းမြစ်များ

Ilahn 10:3

Ubiindaan kpa kigaak waanimbɔŋ aageehn aatuln pu la, le ukumɔndaan seei Uwumbɔr ki yii u.

Ilahn 49:18

Hali unii yaa bui ke nibaa aa muk u aan binib pak u kina pu kan,

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 2:23

Ni ga ŋa kinye ki bui ke naa bii nibaa, ki len ke naa kee doon liwaal Baal? Lik naah nan tun titunwanbir ti kifataŋ ni na; lik naah tun pu na. Ni naahn timoor ni aalaakumii u ban u jon ki san yɔl yɔl,

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Tibɔnyaan ti Luk ŋmee ti na 10:29

Le u ban ke u li kpa mbamɔn, le ki baa Yesu, “Ŋma ye nna aabo?”

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

Rom Yaab 7:9

N‑yoonn mubaa m nan bi, kaa nyi nkaal aatataa mbamɔm. Buyoonn m bee nkaal aatataa mbamɔm na, le titunwanbir fikr nsui ni. Le m bee ke m ŋeer nkun.

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.