Ilahn 35:3 - Uwumbɔr aagbaŋ

³ Yoor saakpaatuŋ ni kichɔk ki kiir binib bi san dii mi na. Bui mi ke aa ga gaa mi lii.

Ilahn 35:3 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

Job Aagbaŋ 1:10

Aa kiir u ni waadichal, ni waah kpa tiwan nimɔk na n‑yoonn mɔmɔk. Aa ŋani saanyoor ŋani waatuln mɔmɔk pu, le ki tii u tiwakor ti ŋeer ki ga gaa litingbaln lee mɔmɔk na.

Ilahn 27:2

Bibiindam yaa tak mi ki pɔɔni bibaa ke bi ku mi kan, bi gbeer le ki lir.

Ilahn 51:12

Gaa mi lii, aan m ki kan mpopiin, ki cha m li ye unii u keei saamɔb na,

Ilahn 62:7

Maaŋmarm ni maapak bi Uwumbɔr chee la; u pɔɔ le ki ye u kii mi na; u ye maabɔbɔryaan la.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ilahn 91:16

M ga di limɔfafɔfɔŋ le tii bi; m ga gaa bi lii.”

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Tibɔnyaan ti Luk ŋmee ti na 2:30

ki cha nnimbil kan Saabo u ga gaa timi lii na.

Lituln 4:28

Bi nan kuun bi ti ŋa saah nan len ke bi ga ŋa pu na. Saapɔɔn, ni saageehn pu, le aa nan siin ke bi ga ŋa kina.