Ilahn 34:3 - Uwumbɔr aagbaŋ

³ Cha m ni nimi kpaan man ki moon Uwumbɔr aah kpa mpɔɔn pu na; cha ti kpaan ki pak waayimbil man.

Ilahn 34:3 ပူးပေါင်းရင်းမြစ်များ

1 Bibɔrb Aabɔr 16:10

Taah ye waanib pu na, cha tisui li piin man. Cha binib bimɔk dooni u na li kpa mpopiin.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Ilahn 40:16

Cha binib bimɔk choo aa chee na kan mpopiin ni mmɔɔn. Cha binib bimɔk dooni si saah gaa bi lii pu na len n‑yoonn mɔmɔk ke, “Uwumbɔr aapɔɔn nyaŋ a.”

Ilahn 66:8

Ŋitimbol mɔmɔk, pak timi Aawumbɔr man; cha unii mɔmɔk ŋun nimi aapak pu.

Ilahn 69:30

M ga di nlahn le pak Uwumbɔr; m ga di idoon le moon waah kpa mpɔɔn pu na.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Tibɔnyaan ti Luk ŋmee ti na 1:46

Le Mari bui ke, “M nyuŋni Uwumbɔr nsui ni la.

Lituln 19:17

Le Efesus aatiŋ aanib bi ye Juu yaab na, ni bi kaa ye Juu yaab na mɔmɔk ŋun tibɔr ngbaan. Le ijawaan chuu bi mɔmɔk. Le bi nyuŋ Tidindaan Yesu.

Filipi 1:20

Nnimbil man ke binib nyuŋ Kristo m pu. M yaa kpo u pu, bee m yaa kaa kpo u pu kan, m ban ke m li kpa lipobil dandana wee, ke maah kpa n‑yoonn mɔmɔk pu na, ki li len ki taa li san binib inimɔɔn.

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”