Ilahn 33:3 - Uwumbɔr aagbaŋ

³ Gaa nlahnpɔɔn tii u man, di nwanyim gbaa kibeek ngbaan man, ki li tar ni mpopiin.

Ilahn 33:3 ပူးပေါင်းရင်းမြစ်များ

1 Bibɔrb Aabɔr 13:8

le David ni binib bi mɔmɔk gur na nan gaa ilahn ki waa liwaal mpɔɔn pu ki nyuŋni Uwumbɔr. Bi nan gaa ilahn ki gbaa tibar, ni ŋigangan, ki yak ichayakrtuun, ki pii ikpiin.

1 Bibɔrb Aabɔr 15:22

Kenania aah nan nyi liwangbaal ni lilahngaal aabɔr mbamɔm na, uma le bi nan di ŋa Liifai aawangbaab ni bilahngaab aaninkpel.

1 Bibɔrb Aabɔr 25:7

Bijab moninko ni binaa bee mɔmɔk nan ye binib bi nyi baatuln mbamɔn na la; le biŋeen aatɔtiib, Liifai yaab biken mu nan ye binib bi bae liwangbaal ni lilahngaal mbamɔm na. Bi nan ti kpaan bijab ikui ilee ni imonko inaa, ni biniin la.

2 Bibɔrb Aabɔr 34:12

Bijab bi nan tun lituln ngbaan na nan ye binib la. Liifai yaab binaa bimina le nan lik baah tun pu na. Bima le nan ye Jahaf, ni Obadia, bi nan ye Merari aataŋaal ni aanib na, ni Sekaria ni Mesulam bi mu nan ye Kohaf aataŋaal ni aanib na. Liifai yaab nan ki ye binib bi nyi lilahngaal na la.

Ilahn 144:9

Uwumbɔr, m ga gaa nlahnpɔɔn tii si, m ga gbaa kibeek ki gaa ilahn tii si.

Ilahn 149:1

Pak Uwumbɔr man. Gaa nlahnpɔɔn tii Uwumbɔr man; pak u waanib bi kii waamɔb na aakuun ni.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ilahn 40:4

Binib bi di naadii tii Uwumbɔr, kaa dii ŋiwaa, kaa kpaani binib bi dii ŋiwaa na chee na, bima le kpa mpopiin sakpen.

Ilahn 96:1

Gaa nlahnpɔɔn tii Uwumbɔr man. Dulnyaa wee mɔmɔk, gaa ilahn tii Uwumbɔr man.

Ilahn 98:1

Gaa nlahnpɔɔn tii Uwumbɔr man; u tun ŋitukpaan; u di ubaa aapɔɔn mu bi chain na le kan linyaŋ.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Efesusi 5:19

ki li gaa Uwumbɔr aalahn ni ilahn i bi waagbaŋ ni na tɔb chee man, ki li yikr tiwanyikrkaan, ki gaa ilahn tii Tidindaan, ki pak u nisui ni.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

Tibɔkpiirkaan 14:3

Binib ngbaan bi Uwumbɔr aabɔrjal, ni tiwanfuurkaan ninaa, ni bininkpiib na aanimbiin ni, ki gaa ilahnpɔɔn. Ubaa aan ŋmaa bae nlahn ngbaan see binib ŋichur nkub ni imonko ilee ni ŋinaa bi Uwumbɔr daa bi ki nyan bi dulnyaa wee ni na.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,