Ilahn 33:18 - Uwumbɔr aagbaŋ

¹⁸ Uwumbɔr lik binib bi keei waamɔb ki tii waageehm mu bi n‑yoonn mɔmɔk na naadii na pu la.

Ilahn 33:18 ပူးပေါင်းရင်းမြစ်များ

1 Bibɔrb 17:6

U nan nyu nnyun mbun ngbaan ni la, le ikaabɔn mu joo ni tijikaar ni tinann kichakpiik ni, ni kijook mɔk, ki tii u.

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

Esra 8:22

M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Job Aagbaŋ 36:7

U kii binib bi aabimbin ŋan na; u tii bi nsan le bi joo binib ke bibɔrb na ki cha bi nyuŋni bi n‑yoonn mɔmɔk.

Ilahn 111:5

U tii binib bi nyuŋni u na tijikaar; waa suln waah puu tipuur ti na bɔr.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 147:11

u neen binib bi nyuŋni u ki mak waageehm mu bi n‑yoonn mɔmɔk na pu la.

Ilahn 52:8

Le mma bi ke olif aakpan aasub bu si Uwumbɔr Aadichal ni na; m kpa waageehm mu bi n‑yoonn mɔmɔk na pu limakl.

Jeremia 37:21

Le Ubɔr Sedekia cha bi di mi ti laŋ libɔrchiln ponn ni. M nan bi nima, le nwiin mɔk kan, bi joo boroboro likpiln libaa nya ni baah pu boroboro nin chee na nan tii mi, ki ti saa bundaal boroboro nan doo kitiŋ ngbaan pu na.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

1 Piita 3:12

ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”