Ilahn 33:17 - Uwumbɔr aagbaŋ

¹⁷ Butɔb aataan aan ŋmaa cha binib nyaŋ baadim, yaapɔɔn aan ŋmaa gaa ubaa lii.

Ilahn 33:17 ပူးပေါင်းရင်းမြစ်များ

Ilahn 147:10

Utafal aa bi itaan i pɔɔ na ni, kaa bi bijab bi kaar na ni;

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Ilahn 20:8

Kina aanib ga gbeer le ki lir, le tima ga fii nyal sil.

Ŋiyataŋak 21:31

Aa ga ŋmaa gor saataan ki kiir butɔb, Uwumbɔr mu baanja le tii linyaŋ.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Aisaya 30:16

Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Aisaya 31:1

Binib bi chaa Ijipt ti ban nterm na aamɔfal junn a. Bi lik Ijipt aajab bi chaa butɔb na, ni baataan ni baataan aatɔroku tiib aawiwiir la. Baa tee fenn lik Uwumbɔr, u ye bima Israel yaab Aadindaan ki bi chain na, ke u ter bi.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Bibɔjirb 4:15

Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.