Ilahn 33:16 - Uwumbɔr aagbaŋ

¹⁶ Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Ilahn 33:16 ပူးပေါင်းရင်းမြစ်များ

1 Bibɔrb 20:10

“M ga tun ni bijab bi wiir na aan bi nan kuln saatiŋ ngbaan ki faa kaah ber pu na ŋum ni biŋaal ni. M yaa kaa ŋa kina kan, ŋiwaa faa ku mi.”

1 Bibɔrb 20:15

Le ubɔr yin ni bijab bi laa ye ŋinachipɔmbil ki ye bijab ikui ilee ni piitaa ni bilee ki bi ŋipepel aayidam aataab na mɔmɔk, le ki nin yin Israel aatɔb aajab. Bi mu nan ye bijab ŋichur ŋilole.

2 Bibɔrb Aabɔr 13:8

Le aa fii ke aa ni Uwumbɔr aah di nnaan aapɔɔn tii David aayaabitiib bi na jan kijaak. Ni kpa butɔb aajab bi wiir na, ni salmaa aanaaja i Jeroboam naan ke nimi aawaa na, ni chee.

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Job Aagbaŋ 36:7

U kii binib bi aabimbin ŋan na; u tii bi nsan le bi joo binib ke bibɔrb na ki cha bi nyuŋni bi n‑yoonn mɔmɔk.

Job Aagbaŋ 39:11

Aa ga ŋmaa li mak waapɔɔnsakpiin pu ki dakl ke u tun lituln li pɔɔ na tii si ii?

Ilahn 20:8

Kina aanib ga gbeer le ki lir, le tima ga fii nyal sil.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Nnyam 14:28

Le nnyun gir biin baatɔroku tiib, ni bijab bi ŋaal bi na, ni Ijipt yaab aajab bi nan paan Israel yaab na pu, ubaa aa nan ki gur.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Jeremia 48:14

Moab aajab, ba ŋa ni bui ke ni ye bijab, le ki kaar butɔb ni?

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Hosea 10:13

Le ni yii ki di titunwanbir bun ki nan chee taanyoor. Ni jin nimi aanyamɔn aah joo ni pu na la. “Naah mak nimi aataan aatɔroku tiib, ni nimi aajab aawiwiir pu na,

Amos 2:14

Hali, binib bi ŋmaa san sakpen na aan ŋmar; bipɔɔndam aapɔɔn ga doo, le butɔb aajab aan ki ŋmaa gaa bibaa lii.

Amos 2:15

Binib bi joo itɔi na aan ki ŋmaa sil ki too, le bitaasam aan ŋmaa san ŋmar, bijab bi dik itaan pu na mu aan ŋmaa ŋmar.

Josua 14:12

Nima pu na, di ŋigongon pu aatiŋ tii mi, Uwumbɔr aah nan puu tipuur tii mi n‑yoonn ngbaan pu na. Ti nan tuk si liyaadaal ngbaan ke ŋiwɔk aanib, bi bi nan yin bi ke Anak yaab na, nan bi ntisakpem mu aagon fɔk na ni. Uwumbɔr yaa bi m chee ki ter mi kan, m ga jenn nyan bi ke waah nan len pu na.”

Bibɔjirb 7:2

Uwumbɔr nan bui Gideonn ke, “Saah joo bijab bi na wiir sakpen ke m cha bi nyaŋ Midiann yaab. Nibaakan bi ga dakl ke bibaa aapɔɔn pu le bi nyaŋ bi, kaan tii mi kipak.

Bibɔjirb 7:4

Uwumbɔr nan ki tuk Gideonn ke, “Saajab ngbaan beenin wiir sakpen. Di bi buen nnyun chee, aan m ti gann bi nima chee tii si. M yaa bui si ke uja u dii si na, u ga dii si. M yaa bui si ke uja u taa dii si na, waan dii si.”

1 Samuel 17:4

Bi nan yin Filistia aaja ubaa ke Goliaf, u ye Gaf aanii na, le u nyan ni Filistia yaab aakakaa ni, ki nan kpak Israel yaab ki mɔk bi waapɔɔn. U nan ye liwɔkl, le ki fɔk ti nyaŋ,

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.