Ilahn 33:10 - Uwumbɔr aagbaŋ

¹⁰ Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 33:10 ပူးပေါင်းရင်းမြစ်များ

Mpiin 11:8

Le Uwumbɔr nan cha bi len tɔb chee iliin kaa ki ŋun tɔb aaliin, le ki yaa buen dulnyaa wee mɔmɔk ni, kaa ki maa kitiŋ ngbaan doo.

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 15:34

Aa yaa tee gir buen Jerusalem ponn ni, ki bui Absalom ke aa ga li tun tii u ki kii waamɔb, ke saah nan bi ute chee pu na kan, aa ga ŋmaa ter mi. Pɔɔn aabaa ki taa cha bi li keei tii Ahitofel aasurm mu u ga li tii u na.

2 Samuel 17:14

Le Absalom ni Israel yaab mɔmɔk bui ke, “Husai aasurm ŋan jer Ahitofel aasurm.” Uwumbɔr le nan siin ke bi taa kii Ahitofel aasurm, aan tibɔbir dan Absalom pu.

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Bibɔrb 6:9

Le Elaisa nan di lilambil tii Israel yaab aabɔr, ki sak u ke u taa duun nima chee, ba pu? Siria aajab nan dɔ kii u nima.

Nehemia 4:9

Le ti mee timi Aawumbɔr, ki ban bijab kaan kiir kinyeek ni nwiin pu.

Ilahn 140:8

Uwumbɔr, taa tii bibiindam baah ban pu na; taa cha baah kpokl pu na tun lituln.

Ilahn 21:11

Bi dakl baalandak le ki kpokl u pu, bi mu aan ŋman.

Ilahn 9:15

Binib bi kaa nyi si na gbii libuul, le ki lir li ponn ni; bibaa aagaawɔb mam le chur bi.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 44:25

M ŋani bibɔɔb bijɔrb, ki cha baabɔr ti bi len ke ti ga ŋa na beer fam. M yii binimbiwolm aalan, ki mɔk ke baalan ye kijɔrk la.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Malakai 1:4

Esɔ aayaabitiib, bi ye Edom aanib na, yaa bui ke, “Bi ber timi aatim a, tɔ, ti mu ga ki gir maa mu” kan, le Uwumbɔr ga gar ke, “Cha bi ki maa mu, m ga ki gir ber mu. Binib ga yin ki ke, ‘Titunwanbir aatiŋ,’ ni ‘Litimbol li Uwumbɔr aaŋuul fii li pu kaan sɔŋ na.’”