Ilahn 33:1 - Uwumbɔr aagbaŋ

¹ Nimi bi aabimbin ŋan na, di mpopiin teen mpɔɔn pu man, Uwumbɔr aah ŋa pu tii nimi na pu. Nimi bi mɔmɔk keei waamɔb na, pak u man.

Ilahn 33:1 ပူးပေါင်းရင်းမြစ်များ

Ilahn 118:15

Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 135:3

Uwumbɔr aah ŋan pu na, pak u man; u kpa tiŋann, gaa ilahn pak u man.

Ilahn 147:1

Pak Uwumbɔr man. Ni ŋan ke ti li gaa ilahn ki pak Uwumbɔr; ni kpa mmɔɔn ki ŋan ke ti pak u.

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 97:12

Nimi bi aabimbin ŋan na, li mɔɔni man, Uwumbɔr aah tun pu na pu. Teer Uwumbɔr u bi chain na aah ŋa pu na, ki tii u idoon.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Rom Yaab 3:10

Ni ŋmee kina le Uwumbɔr Aagbaŋ ni ke, “Unii ubaa aa ye uninyaan,

Rom Yaab 5:19

Unibaan Adam aah nan yii Uwumbɔr aamɔb na, nima le binib mɔmɔk aabɔr bii Uwumbɔr chee. Yesu aah nan kii Uwumbɔr aamɔb na, nima le binib bimɔk gaa uma Yesu ki kii na aabɔr ŋan Uwumbɔr chee.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.