Ilahn 32:6 - Uwumbɔr aagbaŋ

⁶ Kina na, binib bi mɔmɔk kii saamɔb na yaa bi tibɔr ni kan, bi mee si; le tibɔr yaa choo bi chee ke nwam na kan, ti taa pii bi.

Ilahn 32:6 ပူးပေါင်းရင်းမြစ်များ

Ilahn 144:7

Nya ni paacham, chuu daa nyan mi nnyun mu nyoo na ni, ki gaa mi lii; nyan mi biwɔwɔm bi kaa len ibamɔn,

Ilahn 4:3

Teer man ke Uwumbɔr le lee bininyaam ke bi li ye waanib, le m yaa yin u ki ban nterm kan, u ŋun maayim ngbaan.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ilahn 91:7

Nibaakan, lichur ga lir ki kpo aa chee, le ŋichur kipiik kpo ki dɔ goln si, le nibaa aan ŋa sin ma.

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Jɔnn 7:34

Ni ga nan ban mi, kaan kan mi. Maah ga ti li bi nin chee na, naan ŋmaa buen nima chee.”

2 Korenti 1:4

Timi aafalaa mɔmɔk ponn ni u sɔŋni tisui, ke ti mu ga ŋmaa sɔŋ binib bi bi falaa mɔmɔk aabɔŋ ni na aasui. Ti mu ga sɔŋ bisui ke Uwumbɔr aah sɔŋ tisui pu na.

2 Korenti 6:2

Uma Uwumbɔr le len ke, “Naah ŋeer pu na, le m pel saameen. Bundaln ni ŋeer ke m gaa si lii na, le m ter si.” Li pel man, din le ni ŋeer. Din le ye n‑yoonn mu u ga gaa si lii na.

1 Timoti 1:16

Le Uwumbɔr san mi kinimbaak. Yesu Kristo ŋa suklaa, min u ye titunwanbirdaan ki jer binib mɔmɔk na pu sakpen la. Waah ŋa mi suklaa pu na, nima le mɔk binib bi ga gaa u ki kii ki kan limɔfal li kaa kpa ndoon na, waah kpa suklaa pu na.

Taitus 2:12

Waabulchinn mɔk timi ke ti yii lituln limɔk kaa ŋan na, ki taa ki dii tiwan ni kaa ŋan na aakpeek, ki li chur tibaa mbamɔm, ki li dii mbamɔm, ki li bi Uwumbɔr aah ban pu na dulnyaa wee ni.