Ilahn 31:23 - Uwumbɔr aagbaŋ

²³ Uwumbɔr aanib bi dii u mbamɔm na mɔmɔk, li gee u man. Uwumbɔr kii binib bi dii u mbamɔm na la, le ki dar bigaadam aatafal baah ŋeer pu na.

Ilahn 31:23 ပူးပေါင်းရင်းမြစ်များ

Ilahn 145:10

Uwumbɔr, saawanfuurkaan mɔmɔk ga pak si, le saanib mɔmɔk ga doon si.

Ilahn 145:20

U kiir unii umɔk gee u na, le ki tee ga kuln bibiindam.

Ilahn 30:4

Uwumbɔr aanib bi dii u mbamɔm na, gaa ilahn ki pak u man. Teer man U bi Chain na aah ŋa pu na, ki doon u man.

Ilahn 34:9

Uwumbɔr aanib mɔmɔk, kii waamɔb man; binib bi keei waamɔb na kani baah ban nimɔk na.

Ilahn 54:5

Uwumbɔr di maadim aatunwanbir giin daa bitafal. U tun waah siin pu na, nima le u ga kuln bi.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Ilahn 94:2

Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Aisaya 38:10

M nan dak ke n‑yoonn mu maapɔɔn moo fii na le m nan chaa kun kitekpiitiŋ ni, kaan fuu maamɔfal aadoon.

Aisaya 56:6

Le Uwumbɔr bui biwɔwɔm bi kpaln waanib, ki gee u ki dii u na, ki joo waakpaakool daal, ki gaa waah puu tipuur ti na ki kii mbamɔm na ke:

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Tibɔnyaan ti Mak ŋmee ti na 12:23

Binib yaa nan fikr nkun ni kan, upii ngbaan ga li ye ŋma aapuu? Bi mɔmɔk bilole nan joo u la.”

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 30:16

Ni yaa kii Nidindaan Uwumbɔr aah ban ni ŋa pu na mɔmɔk, ki gee u, ki kii waamɔb, ki joo waakaal imɔk m joo tii nimi din wee na kan, ni ga kan naah ban pu na, ki ŋa litimbol li aanib wiir sakpen na. Le Nidindaan Uwumbɔr ga ŋa tinyoor ŋa ni pu, kitiŋ ki ponn ni, ni ban ni gaa na.

Ikaal 32:41

ki puu ke m ga luun maajuk ki ka na le ki cha mbamɔn ŋa. M ga teen maadim baabakaa, ki daa binib bi nan mi na aatafal.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

Juud 1:1

Min Juud, u ye Yesu Kristo aatutunn, ni Jems aanaal na le ŋmee tibɔr tee tii nimi bi Uwumbɔr lee nimi na. U gee nimi, ki joo nimi Yesu Kristo pu la.

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.