Ilahn 31:2 - Uwumbɔr aagbaŋ

² Pel m chee. Gaa mi lii dandana. Li ye u ga li kii mi na; li ye u ga gaa mi lii na.

Ilahn 31:2 ပူးပေါင်းရင်းမြစ်များ

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

Job Aagbaŋ 7:21

Saan ŋmaa di cha pinn mi maatunwanbir aa? Saan ŋmaa suln taani u m ŋani na aa? Naan ki yunn le m koo likaakul ni, le aa yaa ki ban mi kan, saan kan mi.

Ilahn 102:2

M yaa bi tibɔr ni kan, taa fenn aapuwɔb tii mi, li pel m chee, ki kii mi mala buyoonn m yin si na.

Ilahn 130:2

Ndindaan, pel maawiil; pel maah yin ki ban nterm pu na.

Ilahn 143:7

Uwumbɔr, ŋun maayim dandana wee, maa ki kpa ntaakpab pɔɔn mubaa. Taa di aabaa bɔr mi, ni yaa kaa ye kina kan, m ga li gur kpaan binib bi bi kitekpiitiŋ ni na chee la.

Ilahn 25:2

Maawumbɔr, sin le m gaa ki kii. Taa cha m ji inimɔɔn; taa cha maadim nyaŋ mi.

Ilahn 40:17

Uwumbɔr, nwon yɔl, le m ye ugiin, le saa suln mbɔr. Sin le ye Maawumbɔr u gaal mi lir na, ŋa mala ki nan ter mi.

Ilahn 62:7

Maaŋmarm ni maapak bi Uwumbɔr chee la; u pɔɔ le ki ye u kii mi na; u ye maabɔbɔryaan la.

Ilahn 69:17

Taa di aabaa bɔr saatutunn, m bi tibɔr sakpenn ni la, kii maayim dandana.

Ilahn 7:2

naa ye kina kan, bi ga chuu mi ke uchinn aah chur tiwan pu na, ki di buen nin chee ubaa aan ŋmaa gaa mi lii na, nima chee le bi ga ti daa par par mi.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Ilahn 86:1

Uwumbɔr, pel m chee ki kii maayim, ba pu? maa kpa uteter, kaa kpa mpɔɔn mu.

Ilahn 90:1

Uwumbɔr, n‑yoonn mɔmɔk kan, sin le ye timi aakookoo yaan.

Ilahn 91:9

Aa di Uwumbɔr le ŋa u kiir si na, uma Uwumbɔr u kaa kpa ŋeen aatɔ na le ye saakikiir,

Ilahn 94:22

le Uwumbɔr tee si mpuwɔb; Maawumbɔr le kii mi.

Ŋiyataŋak 22:17

Li pel aan m tuk si bilandam aah len pu na. Bae baah mɔk pu na,

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Tibɔnyaan ti Luk ŋmee ti na 18:8

M tuk nimi la, u ga tii bi baabamɔn mala. Min Unibɔn Aabo mu yaa nan gir ni kan, m ga kan binib beenin tii mi naadii dulnyaa wee ni ii?”

Jɔnn 6:56

Unii umɔk ji maawon ki nyu maasin na, u bi m ni, le m mu bi u ni.

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

1 Jɔnn 4:12

Unii ubaa aa kee kan Uwumbɔr. Ti yaa gee tɔb kan, Uwumbɔr bi ti ni la, nima le ti gee tɔb mbamɔm, waah ban pu na.