Ilahn 31:11 - Uwumbɔr aagbaŋ

¹¹ Maadim mɔmɔk, ni binib bi koo gbɔk mi na lik seeni mi la; binib bi nyi mi na yaa kan mi kitiŋ ponn ni kan, bi san mi ijawaan, le ki san.

Ilahn 31:11 ပူးပေါင်းရင်းမြစ်များ

Ilahn 22:6

Tɔ, mma aa ki ye unibɔn; m gur ye likpaambil la, le bi mɔmɔk lik seen mi, ki seei mi.

Ilahn 38:11

Maabuun pu, njɔtiib, ni binib bi koo gbɔk mi na aan ki duun ni mi; hali maachiln ni yaab gur daa mi la.

Ilahn 64:8

Baamɔbon ngbaan pu le u ga kuln bi; le binib bimɔk kan bi na ga gbɔk biyil.

Ilahn 88:18

Aa cha njɔnyaan mu ti san cha mi, le mbɔmbɔɔn baanja gur ye njɔ.

Ilahn 88:8

Aa cha njɔtiib san cha mi; aa cha m gur nu bi chee la. M gur ye kaasisik ni aajangeln la kaan ŋmaa minn buen nibaa chee;

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Maika 7:6

N‑yoonn mumina ponn ni le mbijabim yin bitetiib bijɔrb, le mpiibim aa keei binatiib aamɔi; le bipiisapɔm ni bichapiitiib jaa; le unii aadim ye udo lichiln ni aanib.

Matiu 26:56

Tɔ, nimina mɔmɔk ŋa ke ni gbiin Uwumbɔr aabɔnabtiib aah nan ŋmee pu na.” Le waadidiliib mɔmɔk san cha u.

Matiu 26:74

Le u ki puu Uwumbɔr, le ki bui ke, “Maa nyi uja ngbaan. M yaa mɔn nnyamɔn kan, Uwumbɔr daa ntafal.” Libuul ngbaan ni le ukooja wii.

Tibɔnyaan ti Mak ŋmee ti na 14:50

Le waadidiliib mɔmɔk san cha u.

Rom Yaab 15:3

Kristo aa nan ban ke u li ŋani uma ubaa aageehn. Ni ŋmee Uwumbɔr Aagbaŋ ni ke, “Ŋisiibil ŋi ye sin yee na choo min chee la.”

2 Timoti 4:16

Maah nan puen ban m len tibɔr bibɔjirb aanimbiin ni ki nyan maabamɔn na, ubaa aa nan sil mpuwɔb, bi mɔmɔk nan san cha mi la. Uwumbɔr taa chuu bi taani ni pu.

Hiibru Yaab 11:36

Bibaa mu aah nan gaa Uwumbɔr ki kii pu na, le binib nan ŋa bi mbɔnyun, ki lue bi ŋinaalab, ki buu bi tikululn, ki laŋ bi kiyondiik ni.

Hiibru Yaab 13:13

Nima pu na, ti li cha u chee n‑gbaan nima, ki dii waasan, ki yakr u chee waanimɔɔn.

1 Piita 4:14

Bi yaa sii nimi Kristo aayimbil pu kan, Uwumbɔr aanyoor bi ni pu la; ba pu? Uwumbɔr Aafuur Nyaan mu ŋan sakpen na bi ni ni. [Bima le seei Kristo, le nima pak u.]