Ilahn 30:11 - Uwumbɔr aagbaŋ

¹¹ Aa kpeln maasuubiin ŋa mpopiin aawaal; aa chuu nyan maasuubiin m chee, ki di mpopiin gob mi.

Ilahn 30:11 ပူးပေါင်းရင်းမြစ်များ

Mpiin 37:35

Le ujapɔtiib ni ubisatiib mɔmɔk nan dan bi nan sɔŋ usui, le u nan yii baasurm ki bui ke, “Hali, m ga di ti kpo, maan suln maabo ngbaan aakun bɔr.” Nima pu na, n‑yoonn mɔmɔk u nan wii Josef aakun aabɔr pu la.

Mpiin 45:28

Le u bui ke, “Maabo Josef beenin bi. Ni ŋeer. See m buen ti kan u, le ki nin kpo.”

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

2 Bibɔrb Aabɔr 20:9

ki nyi ke tibɔbir ti ye butɔb, bee iween i bir na, bee nkon yaa dan ke mu daa bitafal kan, bi ga ŋmaa dan ki nan sil Saadichal li bi dooni si li ponn ni na aabisamɔb. Bi ga ŋmaa mee si baamuk ni, le aa ga ŋun ki gaa bi lii.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 150:4

Di ŋigangan ki waa liwaal pak u man. Di tibar ni kulufeeŋ mam pak u man.

Ilahn 27:7

Uwumbɔr, m yaa yin si kan, kii mi. San mi kinimbaak ki gar mi.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 4:7

Le saah tii mi mpopiin mu na jer baah ga di tijikaar ni ndaan sakpen kan mpopiin mu na.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Aisaya 25:3

Ŋitimbol ŋi kpa mpɔɔn sakpen na aanib ga pak si; bi ga san si ijawaan bibiindam aatimbol ni.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 52:33

Kina pu na, Jehoyachinn nan kan nsan ki kpeln waayondiik ni aawanpeenkaan, ki gur ji ubɔr chee tijikaar le ki ti kpo.

Tibɔnyaan ti Luk ŋmee ti na 15:22

Le ute bui waatutum, ‘Li cha mala ki ti yoor ni lininkpebɔkul nyaan na, ki nan di peen u, ki di kibɔmbik ŋmaan u, ki di ŋinaatak taŋ u,

Jɔnn 16:20

M tuk nimi mbamɔn la, nimi le ga li kaani ki wii; dulnyaa aanib ma ga li kpa mpopiin. Ni ga li kpa mpombiin; nimi aapombiin ngbaan mu ga nan kpaln mpopiin.

Tibɔkpiirkaan 21:4

ki ga per bi tinyunyunn mɔmɔk. Nkun aan ki li bi; mpombiin mu aan ki li bi; iwiil mu aan ki li bi; iween mu aan ki li bi; ba pu? tiwankpok mɔmɔk jer a.”