Ilahn 3:7 - Uwumbɔr aagbaŋ

⁷ Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

Ilahn 3:7 ပူးပေါင်းရင်းမြစ်များ

2 Samuel 18:8

Kijaak ngbaan nan yaa koo kitiŋ ngbaan aatingbaan ni, le binib bi nan kpo kichook ni na nan jer baah ku bi butɔb ni na.

Job Aagbaŋ 16:10

Binib lik mi mbɔnyun aanimbilikl la; bi lol goln mi le ki yur mi ntapam.

Job Aagbaŋ 29:17

M nan kuln bibiindam aapɔɔn le ki gaa baah muk binib bi na lii.

Ilahn 10:12

Uwumbɔr, daa bibiindam ngbaan aatafal, teer binib bi ji falaa na bɔr.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 27:3

Hali bijab lichur yaa gob mi kan, maan li san ijawaan; hali bidim yaa tak mi kan, m ga li beenin mak Uwumbɔr pu la.

Ilahn 35:23

Uwumbɔr, fii sil, ki sil mpuwɔb; Maawumbɔr, fii sil, ki len maabɔr tii mi.

Ilahn 44:23

Uwumbɔr, finn ngeen pu. Ba ŋa aa dɔ geen? Fii sil paacham. Taa yii timi kookoo.

Ilahn 58:6

Uwumbɔr, kool ichinnbir ngbaan aanyin.

Ilahn 59:5

Ndindaan Uwumbɔr Mpɔɔnsakpiindaan, fii sil ki nan ter mi; Israel yaab Aawumbɔr, si aabaa waa. Fii sil ki daa binib bi kaa dii saasan na aatafal. Taa san titunwanbirdam bi fii sil aa pu na kinimbaak.

Ilahn 6:4

Uwumbɔr, dan nan gaa mi lii; di saanimbaak nyan mi nkun ni.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 74:11

Ba ŋa aa yii kaa ter timi? Ba ŋa aa di aaŋaal bɔɔb aabaa ki si?

Ilahn 76:9

n‑yoonn mu aa fii sil ke aa ji tibɔr ki gaa baah muk binib bi na lii na, le ni ŋmin chii.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Inandalahn 3:30

Bi gbaa timi, ki seei timi, tɔ, ni ŋan ke ti kii kina.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.