Ilahn 29:3 - Uwumbɔr aagbaŋ

³ Bi ŋun Uwumbɔr aaneel nnyusakpem pu; Uwumbɔr u kpa kipak na tar ke utaal na, le uneel ti keei nnyusakpem ni.

Ilahn 29:3 ပူးပေါင်းရင်းမြစ်များ

Job Aagbaŋ 36:33

Utaal aah gbin pu na le mɔk ke kitaabuŋ choo, le tiwakor nyi ke ki choo.

Job Aagbaŋ 40:9

Aa kpa mpɔɔn ke min na aa? Aaneel ga li ŋmaa pɔɔ ke min yaan na aa?

Ilahn 104:3

le ki maa saadichal nnyun mu bi paab na aapaacham. Aa di ntaalangbam le ŋa saataan aatɔroku, le ki dik libuln aafeen pu.

Nnyam 19:16

Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Jɔnn 12:29

Kinipaak ki si u chee ki ŋun nneel ngbaan pu na, bi ponn ni bibaa nan bui ke utaal le gbenni, biken mu bui ke Uwumbɔr aatuun le len u chee.

Lituln 7:2

Le Stiifen bui ke, “Ntetiib ni nnaabitiib, ni li pel man. Uwumbɔr u nyuun na nan dan tiyaaja Abraham chee. Waah nan dan u chee na, u nan laa bi Mesopotamia aatiŋ ni, kaa kee buen Harann aatiŋ ni, ke u ti kal nima.

Tibɔkpiirkaan 11:19

Tɔ, le bi chuu piir Uwumbɔr aadiik ki bi paacham na. Le m kan Uwumbɔr aakaal aadakaa si waadiik ponn ni. Le utaal moor, le kifuuk faa, le utaal tar, le kitiŋ deŋ, le utaal nu ŋitaatakpabil sakpiin.

Tibɔkpiirkaan 16:18

Le utaal moor, kifuuk mu faa, le utaal teen, le kitiŋ deŋ sakpen ki ti nyaŋ. Uwumbɔr aah nan naan binib buyoonn na, kitiŋ aa nan deŋ sakpen ke kaah deŋ n‑yoonn ngbaan sakpen pu na.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 4:5

Libɔrjal ngbaan chee moor lak lak ke utaal aah moor pu na, kifuuk mu faa ke utaal aah tar pu na. Karyaa bilole mu wiin libɔrjal ngbaan aanimbiin ni, ki ye Uwumbɔr Aafuur mulole la.

Tibɔkpiirkaan 8:5

Le Uwumbɔr aatuun ngbaan moo mmii mu bi kitork aabimbiln paab na gbiin tulalee aayon aasambil ngbaan, le ki di mee yaa dulnyaa wee ponn ni. Le kifuuk faa, le utaal tar ki moor, le kitiŋ deŋ.

1 Samuel 7:10

Buyoonn Samuel bi toor kitork ngbaan na, le Filistia yaab dan ke bi nan tak bi. Libuul ngbaan ni, le Uwumbɔr teen paacham ke utaal na, bi pu. Le bilan ŋmal, le ijawaan chuu bi, le bi san.