Ilahn 28:7 - Uwumbɔr aagbaŋ

⁷ Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 28:7 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 13:6

Uwumbɔr, m ga gaa ilahn tii si, ba pu? aa kpa tiŋann m pu la.

Ilahn 19:14

Uwumbɔr u gaal mi lir ki tii mi lifuur na, cha maamɔbon ni maalandak li ŋan aa chee.

Ilahn 21:1

Uwumbɔr, ubɔr aasui piir, ba pu? aa tii u mpɔɔn; saah tii u linyaŋ pu na le u kpa mpopiin.

Ilahn 22:4

Tiyaajatiib nan di baanaadii tii si la; bi nan di naadii tii si, le aa gaa bi lii,

Ilahn 28:8

Uwumbɔr kii waanib la; u ter waah lee ubɔr u na, le ki gaal u lir.

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 3:4

M yin Uwumbɔr ki ban nterm, le u bi waagongoln li bi chain na pu ki keei maayim.

Ilahn 33:21

Uma pu le tisui piin, ti tii waayimbil li bi chain na naadii.

Ilahn 37:39

Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 40:3

U nan mɔk mi nlahnpɔɔn ke m gaa, nlahn mu m ga gaa pak uma Uwumbɔr na. Binib bi kan kina na pam ga li san u, ki di naadii tii u.

Ilahn 43:2

Sin le ye u kii mi na; ba ŋa aa siir cha mi? ba ŋa m beenin ji falaa, maadim aah ŋa mi mbiin pu na pu?

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:2

Kina pu na, taan san ijawaan, hali kitiŋ yaa dam aan ŋijoo ber lir nnyusakpem aataab kan, taan san ijawaan;

Ilahn 69:30

M ga di nlahn le pak Uwumbɔr; m ga di idoon le moon waah kpa mpɔɔn pu na.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,