Ilahn 27:9 - Uwumbɔr aagbaŋ

⁹ Uwumbɔr u gaal mi lir na, taa gee liŋuul m pu; m ye saatutunn la, taa jenn mi aa chee. Sin le ter mi; taa di mi lii, taa siir cha mi.

Ilahn 27:9 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Ilahn 102:2

M yaa bi tibɔr ni kan, taa fenn aapuwɔb tii mi, li pel m chee, ki kii mi mala buyoonn m yin si na.

Ilahn 102:3

Maamɔfal bi wɔŋni ke iŋmanyuu na la; nwon bi wu ke mmii na la.

Ilahn 119:121

M tun tiwan ni ŋan ki si chob na, taa di mi tii maadim,

Ilahn 13:1

Uwumbɔr, aa ga suln m bɔr ki ti saa bayoonn? N‑yoonn mɔmɔk aa? Aa ga di aabaa bɔr mi ki ti saa bayoonn?

Ilahn 143:7

Uwumbɔr, ŋun maayim dandana wee, maa ki kpa ntaakpab pɔɔn mubaa. Taa di aabaa bɔr mi, ni yaa kaa ye kina kan, m ga li gur kpaan binib bi bi kitekpiitiŋ ni na chee la.

Ilahn 24:5

Uwumbɔr ga ŋa waanyoor ŋa bi pu ki gaa bi lii; Uwumbɔr ga bui ke baabɔr ŋan.

Ilahn 44:24

Ba ŋa aa joo aabaa bɔrni timi? Taa suln timi aafalaa ni timi aamuk bɔr.

Ilahn 51:11

Taa jenn mi aanimbiin ni kookoo; taa chuu nyan Saafuur Nyaan m chee.

Ilahn 69:17

Taa di aabaa bɔr saatutunn, m bi tibɔr sakpenn ni la, kii maayim dandana.

Ilahn 69:18

Dan ki nan gaa mi lii; nyan mi maadim chee.

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 59:2

Ni ye nimi aatunwanbir pu le waa ŋun nimi aayim ngbaan. Nimi aatunwanbir le yakr nimi Uwumbɔr chee naa ŋmaa dooni u.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”