Ilahn 27:11 - Uwumbɔr aagbaŋ

¹¹ Uwumbɔr, mɔk mi saah ban ke m ŋa pu na, ki mɔk mi limɔfal aasan, ba pu? m kpa bidim pam.

Ilahn 27:11 ပူးပေါင်းရင်းမြစ်များ

Ilahn 119:10

M joo nsui mɔmɔk le pɔɔni mbaa ke m li tun saatuln; taa cha m yii saakaal.

Ilahn 139:24

Lik ke m kpa titunwanbir tibaa aan maa kpa, ki mɔk mi nsan mu nan bi n‑yaayoonn na.

Ilahn 25:12

Binib bi keei Uwumbɔr aamɔb na, ga bee u chee nsan mu bi ga dii na.

Ilahn 25:9

U mɔk binib bi sunn bibaa taab na nsanyaan, le ki mɔk bi waageehn.

Ilahn 26:12

M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.

Ilahn 5:8

Uwumbɔr, m kpa bidim sakpen a. Mɔk mi saageehn, ki cha m bee saalandak ki dii mu.

Ilahn 5:9

Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

Ilahn 54:5

Uwumbɔr di maadim aatunwanbir giin daa bitafal. U tun waah siin pu na, nima le u ga kuln bi.

Ilahn 64:6

Bi kpokl ilandak i kaa ŋan na, le ki bui ke, “Ti kpokl titunwanbir aalandak i ŋan sakpen a.” Saan ŋmaa bee unibɔn aasui, ni waalandak aatataa.

Ilahn 86:11

Uwumbɔr, mɔk mi saah ban ke m tun pu na, le m ga kii saamɔb mbamɔm; mɔk mi saasan aan m di nsui mɔmɔk tun saatuln.

Ŋiyataŋak 15:19

Aa yaa ye ugbanyakdaan kan, aa kani limukl ŋipepel mɔmɔk pu la, tɔ, aa yaa si chob kan, saan kan tibɔr daalbaadaal.

Ŋiyataŋak 8:9

Ni wiin chain unii u kpa nlan na chee la, ni nyan dɔ mpaan pu unii u kpa ichiin na chee la.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.