Ilahn 25:6 - Uwumbɔr aagbaŋ

⁶ Uwumbɔr, teer saaŋann, ni n‑yoonn mɔmɔk aageehm mu aa di mɔk mi n‑yoonn mu jer na.

Ilahn 25:6 ပူးပေါင်းရင်းမြစ်များ

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 32:9

Le Jakob mee Uwumbɔr ke, “N‑yaaja Abraham, ni nte Aisak Aawumbɔr, ŋun maameel. Uwumbɔr, sin le bui mi ke m gir kun maatiŋ, ni ndo yaab chee, ke aa ga li kii ki ter mi tiwan mɔmɔk ni.

2 Bibɔrb Aabɔr 6:42

Tidindaan Uwumbɔr, taa yii saah lee ubɔr u na. Teer saah nan kpa ngeehm mu saatutunn David pu na bɔr.”

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Ilahn 103:17

Uwumbɔr aageehm aa door binib bi san u na ma chee,

Ilahn 103:4

U nyani mi nkun ni, le ki joo ngeehm ni linimbaasaln aanyoor ŋani mi.

Ilahn 106:1

Pak Uwumbɔr man. Doon Uwumbɔr man, ba pu? u kpa tiŋann; waageehm aa kpa ndoon.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 107:1

“Uwumbɔr aah kpa tiŋann pu na, ni di idoon tii u, waageehm aa kpa ndoon.”

Ilahn 119:77

Maah neen saakaal pu na, san mi kinimbaak, ki tii mi limɔfal.

Ilahn 40:11

Uwumbɔr, m nyi ke saan di cha kaan san mi kinimbaak. Saageehm, ni saah si chob pu na le ga li kii mi n‑yoonn mɔmɔk.

Ilahn 69:13

Uwumbɔr, le m ma ga mee si; Uwumbɔr, kii mi buyoonn aa gee na. Saageehm sakpiin pu, kii maayim, ba pu? aa joo saapuur ti aa puu ke aa ga gaa binib lii na.

Ilahn 69:16

Uwumbɔr, saageehm mu bi n‑yoonn mɔmɔk na pu, ŋun maayim; di saah san kinimbaak sakpen pu na fenn lik mi.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.

Tibɔnyaan ti Luk ŋmee ti na 1:54

Waah nan puu tipuur ti tii tiyaajatiib na, u ŋa kina la, ki ter waatutum Israel yaab.

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

2 Korenti 1:3

Cha ti pak Uwumbɔr u ye Tidindaan Yesu Kristo Aate na. U ye Tite u san timi kinimbaak sakpen ki sɔŋ tisui na.

Filipi 1:8

Uwumbɔr nyi ke nnimbil man ke m ki kan nimi; ba pu? m gee nimi, Kristo aah tii mi ngeehm pu na.

Filipi 2:1

Tɔ, Kristo pɔɔni nitaakpab, le waah gee nimi pu na sɔŋni nisui, ni ni Uwumbɔr Aafuur Nyaan mu kpaan kijɔtiik, le ni kpa tibulchinn ki san tɔb kinimbaak,

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

1 Jɔnn 3:17

Unii yaa kpa liwankpal ki yaa kan una aabo bi igiin ni ki yaa kaa san u kinimbaak kan, Uwumbɔr aageehm aa bi usui ni.