Ilahn 25:5 - Uwumbɔr aagbaŋ

⁵ Mɔk mi aan m li bi ke saabamɔn aah ban pu na, ba pu? sin le ye Maawumbɔr u gaal mi lir na. M ga li kpa gaakii tii si n‑yoonn mɔmɔk.

Ilahn 25:5 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

Nehemia 9:20

Saah ŋan sakpen pu na, aa nan mɔk bi baah ga ŋa pu na; aa nan di tijikaar ti bi yin ti ke mana na le di kpiin bi, ki tii bi nnyun mu, bi nyun.

Job Aagbaŋ 36:22

Teer Uwumbɔr aapɔɔn aah nyaŋ pu na; uma le ye umɔmɔkr kpaan ki jer bimɔmɔkb mɔmɔk.

Ilahn 107:7

U nan di bi buen kitiŋ ki ponn ni bi ga ti li koo na.

Ilahn 119:26

M kpiir maah tun pu na, le aa kii tii mi; mɔk mi saasan.

Ilahn 119:33

Uwumbɔr, mɔk mi saakaal aatataa, le m ga kii i n‑yoonn mɔmɔk.

Ilahn 119:66

Maah tii saakaal naadii pu na, tii mi saalan ni ichiin.

Ilahn 119:97

M gee saakaal sakpen a. M dakl i pu le nwiin ti lir.

Ilahn 22:2

Maawumbɔr, nwiin pu kan, m wii yin si la, le saa gar mi. M yin si kinyeek mu, le kaa kani lifuur.

Ilahn 24:5

Uwumbɔr ga ŋa waanyoor ŋa bi pu ki gaa bi lii; Uwumbɔr ga bui ke baabɔr ŋan.

Ilahn 25:10

U gee binib bi tii waah pu tipuur ti na naadii ki keei waamɔb na; u mɔk bi waasan, ki ŋani waah len pu na.

Ilahn 25:8

Uwumbɔr aah ŋan sakpen pu na, le u mɔk titunwanbirdam nsan mu bi ga dii na.

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 79:9

Uwumbɔr, ter timi, ki gaa timi lii; sin aabaa aanyuŋ pu, gaa timi lii, ki di cha timi aatunwanbir pinn timi.

Ilahn 86:3

Aa ye Maawumbɔr la, san mi kinimbaak; m mee si le nwiin ti lir.

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Ŋiyataŋak 23:17

Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Ŋiyataŋak 8:34

Unii u ŋun tii mi na kpa mpopiin; unii u ka maadichal aabisamɔb, ki ka kii mi iwiin mɔmɔk na ga li kpa mpopiin.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Jɔnn 16:13

Uwumbɔr Aafuur Nyaan mu ye mbamɔn na yaa nan fuu ni kan, mu ga tuk nimi mbamɔn mɔmɔk; mu aan len mubaa pu; mu aah ŋun Uwumbɔr chee ti na, tima le mu ga len, ki ga tuk nimi budabu ga nan ŋa n‑yoonn mu choo na na.

Jɔnn 6:45

Uwumbɔr aabɔnabtiib nan ŋmee ke Uwumbɔr ga mɔk bi mɔmɔk waasan. Unii umɔk ŋun Nte Uwumbɔr aah len pu na, ki bae waakaal na, u ga dan m chee.

Rom Yaab 8:14

Binib bimɔk dii Uwumbɔr Aafuur Nyaan aah ban pu na, bima le ye Uwumbɔr aabim.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”