Ilahn 25:4 - Uwumbɔr aagbaŋ

⁴ Uwumbɔr, mɔk mi saasan, cha m bee i.

Ilahn 25:4 ပူးပေါင်းရင်းမြစ်များ

1 Bibɔrb 8:36

saah bi paacham na, pel baameel. Di ubɔr ni Israel aanib aatunwanbir cha pinn bi. Uwumbɔr, mɔk bi ke bi tun tiwan ni ŋan na, ki cha utaal nu saatiŋ ki aa di tii saanib ke ki li ye biyaan n‑yoonn mɔmɔk na pu.

Ilahn 119:27

Ter mi aan m bee saakaal aatataa, aan m li dakl lik saah tun litukpaan pu na.

Ilahn 143:8

Kichakpiik mɔmɔk ni kan, teer mi saageehm mu bi n‑yoonn mɔmɔk na pu; ba pu? sin pu le m kpa limakl. Maameel chaa aa chee paacham la; mɔk mi nsan mu m ga dii na.

Ilahn 27:11

Uwumbɔr, mɔk mi saah ban ke m ŋa pu na, ki mɔk mi limɔfal aasan, ba pu? m kpa bidim pam.

Ilahn 5:1

Uwumbɔr, li pel maamɔboln, ki ŋun maah ker idun pu na.

Ilahn 5:8

Uwumbɔr, m kpa bidim sakpen a. Mɔk mi saageehn, ki cha m bee saalandak ki dii mu.

Ilahn 86:11

Uwumbɔr, mɔk mi saah ban ke m tun pu na, le m ga kii saamɔb mbamɔm; mɔk mi saasan aan m di nsui mɔmɔk tun saatuln.

Nnyam 33:13

Ni yaa ye kina kan, tuk mi saalandak, nima kan, m ga dii si ki piir aasui n‑yoonn mɔmɔk. Teer ke sin le lee linibol ngbaan ke bi li ye saanib.”

Ŋiyataŋak 8:20

M chuun mbimbinyaan, ni ibamɔn aasan ni la,

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”