Ilahn 25:3 - Uwumbɔr aagbaŋ

³ Binib bi kpa gaakii tii si na aa lir, le binib bi nya aapuwɔb mala na ma lir la.

Ilahn 25:3 ပူးပေါင်းရင်းမြစ်များ

Mpiin 49:13

Sin Sebulunn, aa ga li bi nnyusakpem chee la. Le iŋɔi i bi nnyusakpem ni na ga li gee i dan aa chee ki nan peŋ. Le saanaan mɔk ga pii Saidonn aatiŋ ni.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

Ilahn 109:3

le ki len tibɔr ti kaa ŋan na m pu; maa nyi tiwan ni pu bi tak mi na.

Ilahn 119:78

Cha binib bi kpa kigaak na ji inimɔɔn baah geei inyamɔn i paani mi na pu; mma kan, m ga dakl suuna ki lik saakaal aatataa.

Ilahn 123:2

Tidindaan Uwumbɔr, unaagbiija aah bi udindaan pu, aan unaagbiipiibo mu bi udindaan pu pu na, kina le ti mu lik aa pu, ki kii n‑yoonn mu aa ga san timi kinimbaak na.

Ilahn 132:18

M ga jinn waadim inimɔɔn, le waanaan ma ga pɔɔk ki kan liwangol.”

Ilahn 22:6

Tɔ, mma aa ki ye unibɔn; m gur ye likpaambil la, le bi mɔmɔk lik seen mi, ki seei mi.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 31:17

Uwumbɔr, m yin si la; taa cha m ji inimɔɔn. Cha titunwanbirdam ma ji inimɔɔn, cha bi sunn kitekpiitiŋ ni aan ubaa taa ŋun bi pu.

Ilahn 31:18

Ŋmin binyamɔndam aafuuk, ŋmin bigaadam ni bimakdam bi len bininyaam bɔfam na aafuuk.

Ilahn 33:20

Ti di timi aamakl ŋa Uwumbɔr aaŋaal ni la; uma le ye u kii timi ki ter timi na.

Ilahn 35:26

Cha binib bi aasui piir maafalaa pu na aalan ŋmal aan bi lir kookoo; Cha binib bi len ke bi soor mi na kpaln inimɔɔn aanib.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 6:10

Maadim ga bee nlirm aanimɔɔn aah wu pu na; libuul ngbaan ni le bilan ga ŋmal, le bi jenn yaa bi.

Ilahn 62:1

M jin limɔr le ki kii Uwumbɔr ke u gaa mi lii; uma baanja pu le m ga ŋmaa nyii ki sil.

Ilahn 62:5

Uwumbɔr baanja pu le m nyii ki bi; m kpa u pu limakl.

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Ilahn 69:6

Ndindaan Uwumbɔr Mpɔɔnsakpiindaan, taa cha m joo ni inimɔɔn nan tii binib bi gaa si kii na. Israel yaab Aawumbɔr, taa cha m joo ni inimɔɔn nan tii binib bi dooni si na.

Ilahn 71:13

Cha binib bi tak mi na lir ki kuln pel pel. Cha binib bi pɔɔni bibaa ke bi tii mi iween na ji inimɔɔn.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Inandalahn 3:25

Uwumbɔr kpa tiŋann unii umɔk kii tii u na pu.

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

Rom Yaab 8:25

Tɔ, ti yaa kpa limakl ke ti ga kan tiwan ni tinimbil aa waa ni na kan, le ti ga li kpa limɔr ki kii bundaln ti ga kan ni na.