Ilahn 25:13 - Uwumbɔr aagbaŋ

¹³ Bi ga li ye biwankpadam n‑yoonn mɔmɔk la, le baabim ga nan li yeh kitiŋ kee.

Ilahn 25:13 ပူးပေါင်းရင်းမြစ်များ

Ilahn 112:2

Uninyaan aabim ga li kpa mpɔɔn kitiŋ pu; uyaabitiib ga kan tinyoor.

Ilahn 31:19

Saah ŋa tiwan ni tii binib bi nyuŋ si na kpa iwaan. Unii mɔmɔk nyi saah ŋan pu na, ki nyi saah kii binib bi tii si naadii na pu na.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Ilahn 37:11

binib bi sunn bibaa taab na le ga li yeh kitiŋ kee, ki ji tinyoor ni nsuudoon aamɔɔn.

Ilahn 37:22

Uwumbɔr aah ŋa waanyoor ŋa binib bi pu na le ga li yeh kitiŋ kee, le waah puun lii binib bi pu na ma ga yaa koo timoor ni.

Ilahn 37:26

N‑yoonn mɔmɔk kan, bi tii la, le ki pinni tii binib biken kaa gaal nibaa, le baabim mu ye bi tinyoor.

Ilahn 37:29

Bininyaam le ga li yeh kitiŋ kee, ki ga li bi ki pu ki ti saa n‑yoonn mu kaa kpa ndoon na.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 37:9

Binib bi di naadii tii Uwumbɔr na le ga li yeh kitiŋ kee, le Uwumbɔr ga jenn nyan bibiindam ma.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Ilahn 69:36

le waatutunn aayaabitiib nan ji kaafaal, le binib bi gee u na li koo nima.

Ŋiyataŋak 1:33

Unii umɔk ŋun tii mi na aan kan tibɔbir tibaa. U ga li kpa lifuur, kaan li san ijawaan.”

Ŋiyataŋak 19:23

Kii Uwumbɔr aamɔb ki li kpa limɔfal li fɔk na, ni lipugbiil, ki taa koo tibɔr tibaa ni.

Ŋiyataŋak 20:7

Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Aisaya 65:23

Baah tun ŋitun ŋi na ga li kpa tinyoor, le baabim aan kan tibɔbir tibaa. M ga ŋa tinyoor ŋa bi ni biyaabitiib pu ki joo cha.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Matiu 5:5

Binib bi sunn bibaa taab na, Uwumbɔr aanyoor bi bi pu. Bima le ga li yeh dulnyaa wee.

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Ikaal 33:12

U nan ŋa tinyoor ŋa Benjaminn aanibol pu ki bui ke; “Linibol limina le Uwumbɔr gee, le ki kii li. Uma le bii bi pu iwiin mɔmɔk, le ki bi bikaasisik ni.”

Filipi 4:19

Uma Uwumbɔr u m dii u na le ga tii nimi naah lann pu na mɔmɔk; waah kpa liwankpal sakpen paacham pu na, kina le u ga tii nimi, Yesu Kristo pu.

1 Piita 3:10

Ni ŋmee Uwumbɔr Aagbaŋ ni ke, “Unii yaa ban ke u li kpa mpopiin, ni mbimbin mu mɔ na kan, u taa ki len tibɔbir, ki taa ki mɔni inyamɔn,

2 Piita 3:13

Uwumbɔr mu aah nan puu tipuur ti na, ti kpa limakl ke paacham pɔɔn ni kitipɔŋ ga li bi. Nima chee le tiwan mɔmɔk ga li bi mbamɔm.