Ilahn 24:2 - Uwumbɔr aagbaŋ

² U maa kitiŋ na nnyun mu nyoo ki bi kitiŋ aataab pu na la, le ki ŋa kaadinyikl nnyusakpem aataab.

Ilahn 24:2 ပူးပေါင်းရင်းမြစ်များ

Mpiin 8:22

Dulnyaa aah ga li bi cha na, liwanbuul ni liwancheel aayoonn ga li bi la. Le tiwoor, ni kitotoŋ, ni unaalan, ni kitakuuk, ni nwiin pu, ni kinyeek ga li bi.”

Job Aagbaŋ 38:4

Maah nan naan dulnyaa na, aa nan bi ii? Aa yaa nyi sakpen kan, bui mi ti ponn ni.

Ilahn 136:6

U maa kitiŋ tɔŋ nnyun mu nyoo na pu; waageehm aa kpa ndoon.

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Ilahn 89:12

Sin le naan ŋŋangan ni ŋŋangii; Tabor Aajool ni Hemonn Aajool gaa mpopiin aalahn aa pu.

Ilahn 93:1

Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Ilahn 95:4

Uma le joo kitiŋ kee mɔmɔk, ki nya kitakpaluŋ ki nyoo sakpen na ni ki ti saa ligongoln li paa sakpen na paab.

Ilahn 96:10

Bui ŋitimbol mɔmɔk ke, “Uwumbɔr le ye ubɔr. Kitiŋ si kaabuul ni chib, kaan ŋmaa foor daalbaadaal; u ga di ibamɔn ji binib tibɔr.”

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.