Ilahn 23:4 - Uwumbɔr aagbaŋ

⁴ Uwumbɔr, m yaa chuun kifataŋ ki bɔɔn ke nkun na kan, maan san ijawaan, ba pu? aa bi m chee. Saapihkpaajaangbeek ni lichakukul le kii mi.

Ilahn 23:4 ပူးပေါင်းရင်းမြစ်များ

Job Aagbaŋ 24:17

Bi san nwiin pu aawiihn la, le mbɔmbɔɔn ma aa kpa bi ijawaan.

Job Aagbaŋ 3:5

Cha mu ŋa timm, ni mbɔmbɔɔn sakpiin, cha ntaalangbam biin mu pu, ki duŋ nwiin.

Ilahn 110:2

Uwumbɔr ga taln saanaan aapɔɔn ki nya Sionn ni. U ki len ke, “Li ye saadim aajojoor.”

Ilahn 118:6

Uwumbɔr bi m chee, kina pu na, maan san ijawaan; ubaa aan ŋmaa ŋa mi nibaa.

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Ilahn 3:6

Maa san bidim ŋichur ŋichur ŋi mann gob mi na ijawaan.

Ilahn 44:19

Le aa siir cha timi tipeewanbir aakaasisik ni; aa siir cha timi mbɔmbɔɔn sakpen ponn ni la.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sekaria 11:10

Le m nan yoor ndɔ mu m yin mu ke “Lineen” na, le ki nyii koo mu, ke m bii tipuur ti Uwumbɔr nan puu tii ŋitimbol mɔmɔk na.

Sekaria 11:14

Le m yoor ndɔ muken na, mu m yin mu ke “Kimɔbaan” na, ki nyii koo mu, le kimɔbaan ki nan bi Juda ni Israel aakaasisik ni na yaa.

Sekaria 8:23

N‑yoonn ngbaan kan, biwɔwɔm kipiik ga dan nan bui Juu aanii ubaa ke, ‘Ti ban ke ti nan kpaan saanaan ni la, ba pu? ti ŋun ke Uwumbɔr bi ni chee.’”

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Tibɔnyaan ti Luk ŋmee ti na 1:79

Ni ga woln binib bi bi mbɔmbɔɔn ni ki san nkun ijawaan na pu, ni ga mɔk timi nsan mu ga tii timi nsuudoon na.”

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.