Ilahn 23:2 - Uwumbɔr aagbaŋ

² U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Ilahn 23:2 ပူးပေါင်းရင်းမြစ်များ

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Nnyam 15:27

Le bi ti ki fuu Elim aanyunbun kipiik ni ilee, ni ŋibɔkpal aasui imonko itaa ni kipiik aah si gbɔk i na chee, le ki kal nima.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 8:6

U bui ke, “Binib ngbaan aah yii Siloa aabunbik ki puu suuna, ki tee san ubɔrkpaan Resinn ni ubɔrkpaan Peka na,

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”