Ilahn 22:7 - Uwumbɔr aagbaŋ

⁷ Binib bi mɔmɔk kan mi na laa mi, bi leeni bilambil le ki gbakr biyil.

Ilahn 22:7 ပူးပေါင်းရင်းမြစ်များ

Job Aagbaŋ 12:4

Njɔtiib bibaa gur laa mi la; maa kpa taani, le maabimbin ŋan, le bi laa mi. Uwumbɔr nan tee kii maameel n‑yoonn mubaa.

Job Aagbaŋ 16:10

Binib lik mi mbɔnyun aanimbilikl la; bi lol goln mi le ki yur mi ntapam.

Job Aagbaŋ 16:4

Nimi le yaa ba ye mi le m mu ye nimi kan, m ba ga len naah len pu na mɔmɔk. M ba ga gbɔk n‑yil ke ulandaan na, le ki di ŋimɔbon yaar yii ni pu.

Ilahn 109:25

Binib yaa kan mi kan, bi laa mi la, le ki ŋani mi mbɔnyun ki gbakr biyil.

Ilahn 31:18

Ŋmin binyamɔndam aafuuk, ŋmin bigaadam ni bimakdam bi len bininyaam bɔfam na aafuuk.

Ilahn 44:14

Aa di timi ŋa yaansara aawan le ŋitimbol ŋiken chee; bi laa timi le ki gbakr biyil.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Aisaya 57:4

Ŋma aan ni ŋani u yaansara? Ŋma aan nimi binyamɔndam yuul?

Matiu 27:29

le ki di ikokon luu kiyikpupuk, ki di chiŋ u, ki di lidabil ŋum uŋangii ni ke ubɔr na, le ki gbaan unimbiin ni, ki ŋa u mbɔnyun, ki bui u, “Juu yaab Aabɔr, aa pɔɔ ɔɔ?”

Matiu 9:24

Le u bui bi, “Nyan lipaal man. Upiibo ngbaan aa kpo. U geen la.” Le bi laa u sakpen.

Tibɔnyaan ti Mak ŋmee ti na 15:20

Baah ŋa u mbɔnyun ki ti doo na, le bi chuu peer libɔkumaln ngbaan, ki di waawanpeenkaan peen u, ki di u nyan, bi ti kpaa u ndɔpuinkoo pu.

Tibɔnyaan ti Mak ŋmee ti na 15:29

Waah lee ndɔpuinkoo pu na, le binib bi jer nima chee na seei u, ki gbakr biyil, le ki bui u, “Aa mu. Si u len ke aa ga gbaa wii Uwumbɔr Aadichal ki ki maa li iwiin itaa na,

Tibɔnyaan ti Luk ŋmee ti na 16:14

Le Farisii yaab, bi gee ŋimombil sakpen na, ŋun Yesu aah len tibɔr timina mɔmɔk pu na, le ki laa u.

Tibɔnyaan ti Luk ŋmee ti na 23:11

Le Ubɔr Herod ni waatɔb aajab lik u fam, ki ŋa u mbɔnyun, ki di kikpalk nyaan peen u, ki di u giin Pailat chee.