Ilahn 22:6 - Uwumbɔr aagbaŋ

⁶ Tɔ, mma aa ki ye unibɔn; m gur ye likpaambil la, le bi mɔmɔk lik seen mi, ki seei mi.

Ilahn 22:6 ပူးပေါင်းရင်းမြစ်များ

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Job Aagbaŋ 25:6

Ŋmaninkabaa unibɔn, u ye tiwanfuurkaan na? Unibɔn aa ye nibaa Uwumbɔr chee.

Ilahn 25:3

Binib bi kpa gaakii tii si na aa lir, le binib bi nya aapuwɔb mala na ma lir la.

Ilahn 31:1

Uwumbɔr, m dan aa chee, ki ban ke aa li kii mi la; taa cha bi nyaŋ mi daalbaadaal. Aa ye Uwumbɔr u ŋani ni ŋan na, m mee si, gaa mi lii.

Ilahn 31:11

Maadim mɔmɔk, ni binib bi koo gbɔk mi na lik seeni mi la; binib bi nyi mi na yaa kan mi kitiŋ ponn ni kan, bi san mi ijawaan, le ki san.

Ilahn 41:5

Maadim len mi tibɔr ti kaa ŋan na. Bi ban ke m kpo aan binib suln m bɔr la.

Ilahn 88:8

Aa cha njɔtiib san cha mi; aa cha m gur nu bi chee la. M gur ye kaasisik ni aajangeln la kaan ŋmaa minn buen nibaa chee;

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Inandalahn 3:30

Bi gbaa timi, ki seei timi, tɔ, ni ŋan ke ti kii kina.

Matiu 11:19

Min Unibɔn Aabo dan le ki ji ki nyu, le bi len ke m ye upusakpiindaan ki ye udanyur, ki jɔnni bilampoogaab ni titunwanbirdam. Tɔ, nlan aah tun pu na le mɔk ke mu ŋan.”

Matiu 12:24

Farisii yaab aah ŋun kina na, le bi len ke Beelsebul, u ye tiyayaar aayidaan na, le tii u mpɔɔn ke u nyan tiyayaar binib ni.

Jɔnn 7:15

Le ni gar Juu yaab aaninkpiib, ke uja ngbaan aa bae mbaem; u ŋa kinye ki nyi kigbaŋ?

Jɔnn 7:20

Le kinipaak ngbaan bui u, “Aa kpa kinimbɔŋ la. Ŋma ban u ku si?”

Jɔnn 8:48

Le bi bui u, “Taah len ke aa ye Samaria aatiŋ aanii ki kpa kinimbɔŋ na, ti len mbamɔn la.”

Hiibru Yaab 13:12

Nima pu le Yesu mu nan kpo kitiŋ aagbaan, ke waasin finn tisui, ki ŋa timi chain.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.