Ilahn 22:29 - Uwumbɔr aagbaŋ

²⁹ Bigaadam mɔmɔk ga gbaan unimbiin ni; binibɔm mɔmɔk ga gbaan unimbiin ni.

Ilahn 22:29 ပူးပေါင်းရင်းမြစ်များ

Ilahn 113:7

U fiini bigiim bi dɔ titan ni na siini paacham; ki nyani binib bi kaa kpa tiwan na baanimbaak ni,

Ilahn 45:12

Taya aatiŋ aanib ga joo ni si ipiin, biwankpadam ga dan nan ban ke bi piir aasui.

Ilahn 73:7

tibɔbir le nyani bisui ni, le baalandak ye mbiin aalandak ŋmeen la.

Ilahn 78:31

le Uwumbɔr aaŋuul nan fii bi pu, le u ku baajab bi pɔɔ sakpen ki ye Israel yaab aanachipɔm na.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Aisaya 29:4

Jerusalem ga li naahn utekpiir aawiin mu bi kitiŋ taab, ki pɔɔni mubaa ke muneel nyan ni titan ni na la.

Aisaya 45:23

Maah puu tipuur ti na gbii, kaan kpeln daalbaadaal. M sil puu mbaa pu ke: Unibɔn mɔmɔk ga dan nan gbaan nnimbiin ni, ki puu ke waan nyan mpuwɔb daalbaadaal.

Aisaya 60:16

Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Jɔnn 3:36

Unii umɔk gaa Uwumbɔr Aajapɔɔn ki kii na le kpa limɔfal li kaa kpa ndoon na. Unii umɔk kaa kii Uwumbɔr Aajapɔɔn aamɔb na, waan kan limɔfal li kaa kpa ndoon na. Uwumbɔr gee liŋuul u pu n‑yoonn mu kaa kpa ndoon na.

Filipi 2:10

ke binib ni tiwan nimɔk bi paacham na, ni binib ni tiwan nimɔk bi kitiŋ do na, ni binib ni tiwan nimɔk bi kitiŋ aataab na, bi mɔmɔk yaa ŋun Yesu aayimbil pu kan, bi li gbaani unimbiin ni.

Tibɔkpiirkaan 21:24

Kaawiin ga woln ŋinibol aanib pu, ke bi chuun. Dulnyaa aabɔrb ga li joo ni baawanyaan ki ponn ni.