Ilahn 22:23 - Uwumbɔr aagbaŋ

²³ “Nimi bi ye Uwumbɔr aatutum na, pak u man. Nimi Jakob aayaabitiib, nyuŋ u man. Nimi Israel aanib, doon u man.

Ilahn 22:23 ပူးပေါင်းရင်းမြစ်များ

Ilahn 106:5

Cha m kan saah tii saanib liwangol li na, ki mu kan mpopiin mu aa di tii saatimbol na, ki kan binib bi ye saanib na aapopiin aamakl.

Ilahn 109:30

M ga doon Uwumbɔr mpɔɔn pu; m ga pak u binib aah kuun nin chee na,

Ilahn 111:1

Pak Uwumbɔr man. M ga di nsui mɔmɔk pak Uwumbɔr, waanib aah kuun nin chee na.

Ilahn 115:11

Nimi bimɔk dooni u na, li kpa limakl Uwumbɔr pu man. U ter nimi, le ki kii nimi.

Ilahn 115:13

U ga ŋa waanyoor ŋa binib bi mɔmɔk nyuŋni u na pu, binikpaam ni biwaatiib mɔmɔk pu.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 22:30

N‑yoonn mu choo na yaab ga nan tun tii u; binib ga len Uwumbɔr aabɔr n‑yoonn mu choo na yaab chee.

Ilahn 26:12

M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.

Ilahn 33:8

Kitiŋ kee mɔmɔk, li san Uwumbɔr ijawaan. Dulnyaa aanib mɔmɔk, nyuŋ u man.

Ilahn 35:18

Le m ga doon si saanib mɔmɔk aah kuun nin chee na, m ga pak si bi mɔmɔk aanimbil ni.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ilahn 86:12

Ndindaan Uwumbɔr, m ga di nsui mɔmɔk pak si, m ga li mooni saah tun ŋitukpaan ŋi na pu n‑yoonn mɔmɔk.

Aisaya 25:3

Ŋitimbol ŋi kpa mpɔɔn sakpen na aanib ga pak si; bi ga san si ijawaan bibiindam aatimbol ni.

Tibɔnyaan ti Luk ŋmee ti na 1:50

Binib bi san u na, u san bi kinimbaak, ni biyaabitiib, ni biyaabisɔsɔk ponn ni ki joo cha.

Tibɔnyaan ti Luk ŋmee ti na 2:20

Le bipihdam ngbaan gir buen baapiih chee timoor ni. Baah cha na, le bi nyuŋni Uwumbɔr ki pak u, baah kan ki ŋun pu na mɔmɔk pu; bi kan ki ŋun Uwumbɔr aatuun ngbaan aah tuk bi pu na.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”