20 Nyan mi kijaak aajuk ni; nyan maamɔfal ibɔ yee ni.
Uwumbɔr, fii, laŋ maadim aasan ki nyaŋ bi. Di saajaak aajuk gaa mi lii bibiindam chee.
Uwumbɔr, aa ga li ka lik kina ki ti saa bayoonn? Nyan mi baah tak mi pu na ni; gaa maamɔfal ichinn yee chee lii.
Cha binib bi ban ke bi ku mi na aalan ŋmal aan bi lir kookoo. Cha binib bi aasui piir maah bi tibɔr ni pu na di inimɔɔn labr.
Dan ki nan gaa mi lii; nyan mi maadim chee.
Ndindaan Uwumbɔr, m yaa tun ubaa taani, m yaa ti ki bii njɔ uken chee kan, bee m ŋa unii u kaa tun mi taani na mbiin, bee m yaa ti ki ŋa tiwan nimina nibaa kan,
Cha binib bi ban ke bi ku mi na aalan ŋmal aan bi lir. Cha binib bi aasui piin maafalaa pu na di inimɔɔn gir bipuwɔb.
Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.
