Ilahn 22:16 - Uwumbɔr aagbaŋ

¹⁶ Titunwanbirdam kuun goln mi ke kibɔpaak na, ki ban mi; bi dar par ntaa ni ŋŋaal.

Ilahn 22:16 ပူးပေါင်းရင်းမြစ်များ

Ilahn 22:1

Maawumbɔr, Maawumbɔr, ba pu aa siir cha mi? M wii sakpen ki ban nterm, le mu aa kee choo.

Ilahn 22:20

Nyan mi kijaak aajuk ni; nyan maamɔfal ibɔ yee ni.

Ilahn 38:11

Maabuun pu, njɔtiib, ni binib bi koo gbɔk mi na aan ki duun ni mi; hali maachiln ni yaab gur daa mi la.

Ilahn 59:14

Kijook le maadim gir ni, ki san gbii ŋinyin ke ibɔ na kitiŋ ponn ni;

Ilahn 59:6

Kijook kan, le bi gir ni, ki san gbii ŋinyin ke ibɔ na kitiŋ ponn ni.

Ilahn 86:14

Uwumbɔr, bigaadam choo ki ban mi la; bibiindam le kuun ki ban bi ku mi, bi ye binib bi aatafal aa bi aa ni na la.

Aisaya 53:5

Timi aatunwanbir pu le bi gbaa u, le uwon ŋa ibuun. Waah gaa timi aatafadaan pu na, le Uwumbɔr cha ti pɔɔk, Ti kan laafee waah gaa tigbar ti na pu la.

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Matiu 26:57

Binib bi nan chuu Yesu na nan di u buen Uwumbɔr aatotoorninkpel Kayafas aadichal ni, Uwumbɔr aakaal aamɔmɔkb ni Juu yaab aaninkpiib aah kuun nin chee na.

Matiu 27:35

Le butɔb aajab ngbaan kpaa u ndɔpuinkoo pu, ki di waawanpeenkaan ti yakr tɔb, le ki too inaan ke bi lik bimɔk aah ga kan ni na,

Matiu 7:6

“Ni taa di tiwan ni bi chain na di tii ibɔ. I ga gir nan junn nimi. Ni taa di nleenyaan di tii igbeer. I ga taa taa mu pu.”

Tibɔnyaan ti Mak ŋmee ti na 15:24

Le butɔb aajab ngbaan kpaa u ndɔpuinkoo pu, ki di waawanpeenkaan yakr tɔb. Bi nan too inaan ke bi lik bimɔk aah ga kan ni na.

Tibɔnyaan ti Luk ŋmee ti na 23:23

Le bi beenin tar mpɔɔn pu, “Kpaa u ndɔpuinkoo pu.” Baah tar kina na, le bi nyaŋ Pailat.

Tibɔnyaan ti Luk ŋmee ti na 23:33

Le bi ti fuu nibaa chee, bi yin nima chee “Kiyikpaŋ.” Baah ti fuu nima na, le bi di u kpaa ndɔpuinkoo pu, le ki di bakadam bilee na mu kpaa idɔpuinkee pu. Bi kpaa ubaa uŋangii wɔb, ki kpaa uken uŋangan wɔb.

Jɔnn 19:23

Le butɔb aajab bi kpaa u ndɔpuinkoo pu na yakr waawanpeenkaan nfum munaa, bima binib binaa; le ki yoor waakpalk mu. Kikpalk ngbaan nan ye litamuln, kaa kpa baah ŋal nin chee na.

Jɔnn 19:34

Le butɔb aaja ubaa di kigbalk saa Yesu aasikakl. Libuul ngbaan ni, le nsin ni nnyun nyan.

Jɔnn 19:37

Uwumbɔr Aagbaŋ ki len ke, “Bi ga lik uja u bi saa u na.”

Jɔnn 20:25

Le Yesu aadidiliib biken tuk u, “Ti kan Tidindaan a.” Le u bui bi, “M yaa kaa kan baah nan kpaa uŋaal ponn ni ipiin pu na aabue, ki di ŋŋanbik baan ŋibue ngbaan ponn ni, ki di ŋŋaal baan baah nan saa usikakl kigbalk pu na aabuer ponn ni kan, maan pak naah len pu na.”

Jɔnn 20:27

le ki bui Tomas, “Di aaŋanbik baan ŋŋaal aabue ponn ni, ki di aaŋaal baan nsikakl aabuer mu ponn ni, aan ki gaa mi ki kii, aan ki taa ki beeni.”

Filipi 3:2

Tɔ, ni li nyi binib bi tun lituln li kaa ŋan na, ki bi ke ibɔ na, ki len ke ni yaa kaa gii lichakpaln kan naan ŋmar na.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.