Ilahn 22:14 - Uwumbɔr aagbaŋ

¹⁴ Maapɔɔn mɔmɔk doo ke nnyun mu kpir kitiŋ na aah foor pu na. Bi tukl maakpab mɔmɔk; le mpobil donn ke tisikakpiin na.

Ilahn 22:14 ပူးပေါင်းရင်းမြစ်များ

Job Aagbaŋ 16:10

Binib lik mi mbɔnyun aanimbilikl la; bi lol goln mi le ki yur mi ntapam.

Job Aagbaŋ 23:16

Uwumbɔr Mpɔɔnsakpiindaan kuln maataakpab pɔɔn a. M san Uwumbɔr le ijawaan, naa ye mbɔmbɔɔn, mbɔmbɔɔn le cha maa ki waa, m mu aa san mu ijawaan.

Job Aagbaŋ 30:16

Tɔ, m bi kpu le na; lifuur libaa aa bi maafalaa wee ni.

Ilahn 22:17

M ga ŋmaa kahn maakpab mɔmɔk. Maadim lik mi, le ki nan mi.

Ilahn 31:10

Mpombiin pu le nwon yɔl, le iwiil gii maamɔfal pu. Nwon yɔl maabɔbir mɔmɔk pu la, hali maakpab bi dur la.

Ilahn 35:21

Bi galni mi, ki tar ke, “Ti kan saah tun pu na.”

Ilahn 68:2

Libuln aah daar iŋmanyuu cha pu na, kina le u jenni bi cha; nsiigban aah donni mmii chee pu na, kina le bibiindam kulni Uwumbɔr aanimbiin ni.

Inandalahn 3:46

Timi aadim mɔmɔk laa timi le ki seei timi.

Daniel 5:6

Ijawaan nan chuu u, le uwon yɔl, le utaŋaayil gbaa.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

Matiu 26:38

Le u bui bi, “Nsui bii ki ti nyaŋ. Ni wu ke nkun aah wu pu na. Kaln do man, ki li lik man.”

Tibɔnyaan ti Luk ŋmee ti na 22:44

Le Yesu aasui ponn ni wu ki ti nyaŋ. Le u ki mee Uwumbɔr linimaln. Le kitotoŋ naa u, ki ye nsin ki tuu lir kitiŋ.

Jɔnn 12:27

“Dandana, nsui bii sakpen a. M ga len kinye? M ga len ke, ‘Nte, nyan mi falaa u choo na ni ii?’ Maan len kina; ba pu? ŋitaa ŋi pu m dan dulnyaa wee ni na le ye ke m ji falaa ngbaan.

Josua 7:5

Ai aajab nan san dii bi ki ti nyan baatiŋ aabisamɔb chee, ki ti saa ŋifakujoo ŋibaa chee; baah bi sunni ligongoln na, le bi ku bi ponn ni bijab bi ga pii piitaa ni biloob na. Israel yaab aataakpab nan yɔl, le ijawaan chuu bi.