Ilahn 20:8 - Uwumbɔr aagbaŋ

⁸ Kina aanib ga gbeer le ki lir, le tima ga fii nyal sil.

Ilahn 20:8 ပူးပေါင်းရင်းမြစ်များ

2 Bibɔrb 19:23

Aa tun ni saanaagbiib ke bi nan puk kipupuk m chee ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

2 Bibɔrb Aabɔr 14:10

Asa nan nyan ke bi ti kan tɔb, le bi mɔmɔk lul kiir butɔb, Sefata Aafataŋ ki bi duun Maresa aatiŋ na ni.

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Esra 8:22

M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Ilahn 124:8

Timi aaterm nyani Uwumbɔr u naan paacham ni kitiŋ na chee la.

Ilahn 125:1

Binib bi kii tii Uwumbɔr na naahn Sionn Aajool li kaa damni, kaa foor kpala na la.

Ilahn 33:16

Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Ilahn 33:17

Butɔb aataan aan ŋmaa cha binib nyaŋ baadim, yaapɔɔn aan ŋmaa gaa ubaa lii.

Ŋiyataŋak 21:31

Aa ga ŋmaa gor saataan ki kiir butɔb, Uwumbɔr mu baanja le tii linyaŋ.

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Maika 7:8

Timi aadim aa kpa nsan ke bi li kpa mpopiin timi aafalaa pu. Ti lir la, le ki mu tee ga ki fii. Ti bi mbɔmbɔɔn ni le dandana, le Uwumbɔr ga tii timi nwiihn.

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.

1 Samuel 17:45

David nan kii u ke, “Aa joo kijaak aajuk, ni kikpaatuŋ, ni kijaangbeek le choo m chee; m ma kan, m choo aa chee Uwumbɔr Mpɔɔnsakpiindaan, u ye Israel aajab Aawumbɔr na aayimbil li aa sii na ni la.