Ilahn 20:5 - Uwumbɔr aagbaŋ

⁵ Le ti ga di mpopiin teen mpɔɔn pu, saanyaŋ pu, ki di ngbiir pak timi Aawumbɔr saanyaŋ pu. Uwumbɔr ŋa saah mee pu na mɔmɔk tii si.

Ilahn 20:5 ပူးပေါင်းရင်းမြစ်များ

Ilahn 118:15

Li pel Uwumbɔr aanib aakookoo yaan ponn ni linyaŋ aapopiin aafuuk aah nyani pu na ke, “Uwumbɔr di waapɔɔnsakpiin na nyaŋ;

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 19:4

le bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun. Uwumbɔr maa lidichal kitaapaak le tii nwiin;

Ilahn 21:1

Uwumbɔr, ubɔr aasui piir, ba pu? aa tii u mpɔɔn; saah tii u linyaŋ pu na le u kpa mpopiin.

Ilahn 21:3

Aa joo ni u tinyoor sakpen le ki di salmaa aabɔryikpupuk chiŋ u.

Ilahn 35:9

Le Uwumbɔr pu, nsui ga piir; waah gaa mi lii pu na, le m ga li kpa mpopiin.

Ilahn 60:4

Aa sak binib bi san si na, aan baadim taa nyaŋ bi.

Ilahn 9:14

aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Nnyam 17:15

Moses nan maa kitork aabimbiln nima chee le ki yin li ke, “Uwumbɔr le ye Maatuutaa.”

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Tibɔnyaan ti Luk ŋmee ti na 1:47

M kpa mpopiin sakpen, Uwumbɔr u gaa mi lii na pu.

1 Samuel 1:17

Le Eli bui u ke, “Li cha ni nsuudoon, aan Israel yaab Aawumbɔr tii si saah mee u tiwan ni na.”

1 Samuel 17:45

David nan kii u ke, “Aa joo kijaak aajuk, ni kikpaatuŋ, ni kijaangbeek le choo m chee; m ma kan, m choo aa chee Uwumbɔr Mpɔɔnsakpiindaan, u ye Israel aajab Aawumbɔr na aayimbil li aa sii na ni la.